البارت الثاني
صباح ثاني يوم الصحوة كانت مليئة بالصدمة التي يكاد يصيبها الشلل، فكرت “رحمة” في أي حيلة قد تنجدها منه. ارتدت ملابسها وخرجت وهي تحاول التذكر هل غرفته على اليمين أم الشمال؟ ولكنها سمعت جلبة في الغرفة التي على اليمين، فتقدمت وتدلت يدها لتطرق الباب بتوتر.
سمعت صوته من الداخل: — مين؟ ردت بارتباك: — أنا… أنا رحمة. — أدخلي.
دخلت رحمة ورأسها متدلي نحو الأرض، ثم سألته: — أنت عايز تتجوزني؟ تنهد رحيم وقال بضيق: — يا فتاح يا عليم… إحنا على الصبح يا بنتي وأنا ببقى مش طايق نفسي شخصياً. — رد عليا لو سمحت. نفخ رحيم بضيق وأجابها: — لا مش عاوز… أنا قلت لك مش بتاع جواز، أنا قلت لك عاوزك وبس، وعلشان أوصل لك بمزاج هنكتب ورقتين عرفي. ردت بإصرار: — لا، عايزني يبقى تتجوزني رسمي، غير كده لا!
رفع رحيم حاجبه باستنكار: — ر… إيه يا عينيا؟ رسمي؟! مكنش يتعز… قال رسمي قال! رسمي ده يعني يمين وأنا مش يمين، أنا شمال يا كونتيسة. — هو ده اللي عندي، يا رسمي يا بلاش واعمل اللي انت عايزه، ربنا معايا ومش هيسيبني.
سكت رحيم لثوانٍ يفكر وشعر أنها تحاول تعجيزه، فقال: — وماله يا كونتيسة، رسمي رسمي! ردت بقهر: — وعايزة فرح. تأكد رحيم من محاولتها لتعجيزه، فقال بثقة: — حاضر… وربنا لعمل لك أحلى فرح، اه ما أنا مش أي حد برضه… أنا رحيم الشامي! ردت بنرفزة: — هو أنت معندكش إلا كلمة رحيم الشامي… رحيم الشامي؟! قال باستفزاز: — اه أنا رحيم الشامي… واه الكلمة دي على لساني وهقولها دايماً، ده انتي ممكن تقوليها من كتر حبك فيها. — أنا أحبك أنت؟! ابتسم بثقة: — امممم هتحبيني وهتشوفي… اخلعي بقى علشان ورايا طالعة على العيال أشوف إيراد المحصول. سألته بعدم فهم: — محصول إيه؟! — الهيروين يا قلبي… أشوف الشغل ماشي إزاي… إخفي بقى.
انسحبت رحمة من أمامه وهي تشعر بغيظ شديد، وتدعو في سرها: — ليه أنا يا رب ليه أنا… ربنا يسامحك يا علي، ربنا يسامحك.
خرج رحيم وتوجه إلى رجاله الذين كانوا يقفون يتحدثون عن رحمة وجمالها، وما إن رأوه قادماً حتى سكتوا جميعاً، فلو سمعهم رحيم لما تردد لحظة في .
شعر رحيم بالشك وسألهم: — كنتوا بتتكلموا في إيه ولما شوفتوني جاي اتخرستوا؟ رد أحدهم بتلعثم: — مش حاجة يا باشا، واقفين بتتأنس ومش أكتر. — امممم… بتتسلوا! طيب يا حيلتها منك له، أخبار الإيرادات إيه؟؟ تدخل حسن قائلاً: — زي الفل يا باشا وكل حاجة تمام… تأمرنا بأي حاجة تانية؟
قال رحيم وهو يفكر: — اممم، في واحد اسمه علي الراوي… عاوزك تجيبه وتحطه في المخزن القديم. — أمرك يا باشا. وأضاف رحيم: — عاوزك تجهز لي ليلة بكرة ولا ألف ليلة وليلة… بكرة هيبقى فرحي… فرح رحيم الشامي!
لجمت الصدمة الجميع ووقفوا مبهوتين، فسألهم رحيم:
— مالكم تنحتوا ليه؟؟ رد حسن بصدمة: — ها يا باشا، ولا حاجة… بس فرحك على مين لا مؤاخذة؟ أجابه رحيم ببرود: — مع إنها حاجة مش تخصك… بس أنا هريح فضولك، على البت بايعة الكبدة. قال حسن بتسرع: — المزّة؟!
في لحظة، أمسك رحيم برقبته وكاد يخنقه، وقال بغضب عارم: — مزّة لما تلهفك… حسك عينك أشوفك بتبص ناحية المقر، هطلع عينك! تكلم حسن بضعف وهو يلفظ أنفاسه: — هاموت يا كبير… زقه رحيم في الأرض ووجه كلامه للجميع: — الكلام ليكم كلكم… اللي هيبص الناحية دي وقدام الحارة كلها! جهزوا بكرة للفرح واعزموا كل التجار… عاوزها ليلة محصلتش. — أمرك يا كبير. التفت رحيم إلى حسن وقال: — أنت يا حمار ياللي اسمك حسن، قوم كده وجب لي مأذون على بليل هنكتب الكتاب… وابعت الزفتة سماح كوافيرة الحتة تمكيجها. رد حسن بضعف وهو يسعل: — كح.. كح.. حاضر.
تحرك حسن وأحضر سماح الكوافير لرحيم. — أهي سماح يا كبير… أروح أنا أشوف حوار المأذون؟ — روح أنت.
تقدمت سماح وهي تمضغ اللبان بطريقة مستفزة: — أمرك يا سي رحيم. همس رحيم بصوت خفيض: — لا أنا لازم أمنع دخول اللبان ده الحارة… ما أنا مش هستحمل قرفهم ده كتير! ردت سماح باستغراب: — سلامة النظر يا سي رحيم، بتبص في الأرض وبتكلم مين؟ أنا واقفة قدامك اهو. — معاكي منديل يا بت؟ — لا والله ما معايا… في كم العباية وبتصرف! صاح رحيم بغضب: — يلعن أبو قرفك يا بنت الـ****! سماح بذهول:
— نعم يا بيه… نعم جايبني من شغلي علشان تسألني على منديل؟ — بطلي أكل لبان… أنا جايبك علشان تمكيجي عروستي، فرحي بكرة.
رقعت سماح زغروطة مصرية أصيلة: — ألف نهار مبروك! عروستك؟ ده أنا هظبطها هخليها مزة! — هي أصلاً مزة… مش محتاجاكي بس علشان ميبقاش اسمي قصرت. شهقت سماح: — أنت تقصر؟! يا خرابي يا سي رحيم… ده أنت ما شاء الله عليك على قلبك فلوس زي الرز! خمس رحيم في وجهها وقال: — خمسة في وشك يا قرّارة، والله أنا خايف عليها لترقعيها عين توديها في داهية. — ده أنا عيني حلوة… أمي على طول بتقول لي عينك شديدة يا بت يا سماح! — اه بتجيب من أول نظرة… صدقت أمك، يالا الله يجحمها مطرح ما راحت… أنتي هترغي معايا؟ يالا يا بت أدخلك عليها.
دخل رحيم البيت ونادى بصوت جهوري: — رحمممممممممه!
خرجت رحمة من غرفتها على صوته، وقالت برقة: — نعم؟ شهقت سماح معجبة: — يا لهوي إيه الحلاوة دي… دي لهطة قشطة! نظرت رحمة لرحيم وسألته: — مين دي؟! همس رحيم لها: — دي اللي هتجيب أجلك قبل ما اتجوزك.
