مسك القلم الأبنوس يكتب بيه، بس إيده اتسمرت في مكانها. صورة وشها لما القلم نزل على خدها ما كانتش بتفارق خياله واصل؛ دموعها الساخنة، شعرها اللي انفرط، والنظرة اللي كانت في عينيها.. نظرة كسرة وجرح عميق اختلط بالكبرياء، كانت أشد عليه من ألف رصاصة.
”يا جبل بيه.. جبل بيه؟”
صوت الحاج كمال عمّه صحاه من سرحانه. جبل هز رأسه ببطء ورفع عينيه التقيلة: “أيوة يا عمي.. معاك.”
الحاج كمال بص له باستغراب وقاله: “بقولك تسليم شحنة القمح بكرة، نجيب العمال متأخر ولا من الفجرية؟ إنت مش معانا خالص النهاردة يا ولد أخوي.. مالك؟”
جبل فرك وشه بإيده بتعب شديد، ونزل القلم من إيده على الطاولة. وقار الجبل وهيبته القدام الرجالة كانوا متغطيين بغيمة حزن وضيق مش متعودين يشوفوها عليه. قام وقف بطوله، ولف شاله على كتفه وقال بنبرة جافة ومختصرة: “اعملوا اللي تشوفوه صح يا عمي.. أنا دماغي مش رايقة للحسابات النهاردة، كملوا أنتو وأنا طالع السرايا.”
ساب المربوعة والرجالة يتهامسوا، ومشوا خطواته التقيلة ناحية السرايا.
كل خطوة كان بيمشيها في الممر الشديد الهو، كان عقله بياكله وعتابه لنفسه بيزيد زي الجمر:
(كيف تمد إيدك عليها يا جبل؟ إنت من متى بتمشي إيدك على حريم؟ إنت جبل العزايزي اللي الكل بيحتمي في عدله وهيبته.. تقوم تكسر بت صبية دخلت بيتك أمانة عشان تحمي أهلها؟ صح لسانها كان واعر وتحديها يجنن أي راجل، بس الجبل ما يتردش على طفلة بكف.. القسوة دي مش رجولة يا ولد العزايزي).
وقف قدام باب الأوضة، إيده اترددت على الأكرة الشبه نحاس وهي بترتجف خفيف.. لأول مرة في حياته، جبل العزايزي خايف يفتح باب، خايف يشوف عينين ليلة والكسرة اللي هو سابها فيها.
ليلة في حضن الجبل بقلمييييي زهرة الثالوث
الليل نزل على سرايا العزايزي، والهدوء لفّ المكان إلا من صوت الهوا الشديد اللي بيخبط في الشبابيك العالية.
اتفتح باب الأوضة بالراحة، ودخل جبل بخطوات تقيلة ومترددة، عكس عادته وهيبته اللي تهز البلد. كان شايل في إيده علبة قطيفة كحلي صغيرة مغلفة بذكاء، جواها كردان دهب صعيدي ثقيل، نزل الشندرة واشتاق يرجع كبرياء ليلة اللي انجرح الصبح.
ليلة كانت قاعدة قدام المراية، تسرح شعرها الأسود الطويل ببطء. خدها المحمر كان لسه فيه أثر خفيف من القلم، بس أول ما لمحته في المراية، كتمت وجعها ورفعت راسها بدلال وكبرياء، ولفت ضهرها وقعدت بحركة كلها أنوثة وتحدي.
جبل قرب منها بخطوات هادية، وعينيه الصقر معلقة على خدها. نزل على كركبته قدامها بالراحة، ومسك العلبة القطيفة وفتحها، يظهر منها الدهب بيلعلع تحت نور الوناسة.
قال بصوت واطي ودافي، نبرة رجولية ندمانة: “ليلة.. حقك عليّ يا بت الشيخ مهران. أنا الجبل، بس غضبي إمبارح والصبح كان أعمى.. الكردان ده مش عشان أشتري خاطرك، ده عشان أفكرك إنك هُنا الغالية حرم جبل العزايزي.”
ليلة بصت للعلبة بنظرة خاطفة، وبعدين رفعت حواجبها بدلع وميلت راسها وهي بتلعب بخصلة من شعرها، وقالت بصوت ناعم ومستفز كله كيد: “وهـ.. جبل بيه العزايزي نازل على ركبه بيعتذر؟ فاكر إن الدهب بيمحي القلم يا ولد العزايزي؟ القماشة اللي رميتها في وشك زمان كان فيها دم، والقلم اللي نزل على خدي هيفضل معلم هُنا..” ولفت وشها الناحية الثانية بدلع ورقة تدوّخ: “وفر دهبك لنفسك.. أنا هُنا بحكم التار، ومش عاوزة منك هدايا ولا صلح.”
جبل حس بنار الدلع والتحدي بتسري في عروقه وتطير عقله. قفل العلبة ورماها بالراحة على الترابيزة جنبهم، وما إداهاش فرصة تمثل الصد أكتر.
في ثواني، سحبها من وسطها بقوة ناعمة ورفعها لحضنه، لزقها فيه كأنه بيلحم ضلوعها في ضلوعه. ليلة شهقت بالراحة وأيدها نزلت على صدره العريض تحاول تبعده، بس مسكته كانت محكمة ودافية زي السجن الحرير.
”بعد عني يا جبل..” قالتها بنبرة صوت ضعيفة ومبحوحة من قرب وشّه.
جبل ما ردش بكلمة، حط إيده الثانية ورا راسها وبقى يبص في عينيها مباشرة. المسافة بينهم بقت مش أكتر من نفس واحد. عيونهم اتلاقت في صمت طويل مليان مشاعر متلخبطة؛ بين غضب الصبح، وكبرياء ليلة اللي بيتدلع، وشغف جبل اللي كان هيتجنن عليها.
عينيه الصقر كانت بتتنقل بين عينيها وشفايفها المرتجفة، وأنفاسه الساخنة بتداعب وشها. رفع إيده بالراحة ومرر صباعه الكبيرة على خدها مكان القلم بنعومة شديدة، وقال وهو يقرب وشّه منها أكتر لحد ما جبهتهم لمست بعض:
”الدلع ده كله مش هيهربك مني يا ليلة.. ولا الصد ده هيخليني أسيبك. إنتِ دخلتي سرايا الجبل، والجبل لما بيحضن حبه.. ما بيسيبوش واصل.”
ليلة غمضت عينيها لمسافة ثانية وسحرتها نبرته القريبة، وقلبها بقى يدق بصوت عالي اسمعوا هو بنفسه، وجبل بدأ يقرب منها أكتر ببطء ودت وشفاه بيميلوا عليها عشان يمسح أثر الخصام..
ليلة في حضن الجبل بقلمييي زهرة الثالوث
يتبع
