عوده بدران المر للكاتبه هدى زايد

هنسحب

عادت واعتذرت منها وهي تقول:

أنا آسفة يا تولين، مستر معتز أمرني امشي من هنا حالًا.
طب والمشكلة اللي وقعنا فيها!
أنا آسفة مش هقدر أعملك حاجة في الوقت الحالي، عن أذنك.
تسمرت تولين مكانها، ما إن وصل لمسامعها انسحاب عمها المفاجئ للجميع. لحظات حتى استوعبت ما يحدث حولها، تنحنحت وهي تقول بهدوء:

أنا تولين رضوان العفيفي.
ألقى بدران ما بيده وقال بضجر:

مش هنخلص النهارده، خير يا ست، في إيه أنت كمان!
ردت بعصبية مماثلة قائلة:

إيه ست دي؟ وبعدين مالك بتتكلم كدا ليه؟ هو أنا بشحت منك!! أنا بطالب بحقي.
لم يتحمل نبرتها المتعجرفة تلك، رد بغضب جم وهو يلقي ما بيده خلفها. لم تهتز قيد أنملة، طالعته بتحد وقوة وهو يقول:

حق مين لو سمحت! هو أنت شاربة حاجة على المسا؟ الشقة اللي الست بتتكلم عنها دي شقتي بإسمي ومعايا عقد، بكدا.
رفعت ذقنها بشموخ وهي تتطالعه ببرود تام. عادت ببصرها لحقيبتها الجلدية، دست يدها داخلها لتخرج عقدًا ابتدائيًا وضعته نصب عيناه وقالت:

أنا كمان معايا عقد بإني اشتريت الشقة دي من شهرين بس، ودا العقد بالنسبة للعقد اللي معاك دا ملهوش قيمة. أنا عاوزة الشقة.
تركها وهو يلوح بيده غير مبالٍ بثرثرتها، لكنها قبضت على ساعده وقالت:

أنت رايح فين! أنا عاوزة الشقة بتاعتي!
مال بجذعه ليقابلها، لفارق الطول الشاسع بينهما، وقال بعصبية مفرطة:

اهدي وقولي هديت عشان أنا مش ناقصك، وبالنسبة للشقة اللي بتقولي عليها شقتك، دوري عليها وابعدي عني، أحسن لك، أنت فاهمة ولا لا؟
ردت بعناد وحاجب مرفوع عن الآخر وقالت:

لا.
بعد مرور عدة ساعات من اللحاق به هنا وهناك، أجبرته على الجلوس داخل جلسة عرفية، وافق بعد محاولات عديدة. وضع عقده الابتدائي مقابل عقدها أمام محامي الحارة، قرأه جيدًا ثم نظر للعقد الآخر، انتهى منهما وهو يقول بجدية وعملية:

العقود الاتنين قانونًا لاغبار عليهم، ودا يخلينا نقول إنكم قانونًا مش هتوصلوا لحل يرضي الطرفين.
رد بدران وقال بعصبية:

إيه الكلام الماسخ اللي أنت بتقوله دا!
اعتدل المحامي في جلسته ثم قال بقلق:

ما تهدأ يا بدران، أنا مقلتش غير اللي أعرفه، ولو مش مصدقني روح بكرا النيابة وهي تأكد كلامي.
ردت تولين وهي تتناول عقدها منه وقالت:

أنا عاوزة استلم شقتي لو سمحت.
هدر بدران بعصبية وقال:

يا ست اركني لنا على جنب شوية، أما نشوف المصيبة اللي وقعت على دماغي دي.
رد المحامي وقال:

والله يا بدران لازم أعرف أساعدك ولا أساعدها. عمك باع الشقة مرتين، مرة ليك ومرة ليها، والاتنين بعقد ابتدائي، وأنت عقدك من يومين بس وبرضو سليم.
وثب عن مقعده وقال بوعيد وهو يتجه حيث منزل عمه الذي غادر المنزل كالبرق في سرعته، تاركًا ابنته وزوجته في وجه المدفع بشكل مؤقت، ولأنه يعلم أن بدران لن يتعرض لإحداهن، قرر تركهما في المنزل حتى المساء. رغم محاولات كبار الحارة، إلا أنه فقد السيطرة على أعصابه، قرر أن يدخل شقته بمفرده تاركًا تولين ووالدها في الحارة.

بعد مرور يومين

قضتهما داخل مسجد الحارة حتى يمن عليها بدران المر ويسمح لها بالمكوث داخل شقتها. وبعد محاولات عديدة في الوصول لعمها أو ابنه، لكن جميعها باءت بالفشل الذريع. أبيها بدأ في التألم، فقراته القطنية والجلوس لعدة ساعات ممنوعًا عنه. تحسست ظهر يد أبيه وقالت بنبرة حانية:

معلش اتحمل يا بابا، أنا مش عارفة أعمل إيه، حتى عمو مش بيرد.
بكى والدها من فرط ألمه. نظرت حولها لم تجد أي شخص سواه واقفًا في شرفته، قررت أن تطلب منه برفق عله يرضى، وإن رفض ستدخل رئيس اللجنة العرفية ومعاونيه. ولجت البناية، قفزت بين سلالم الدرج صاعدة حيث الطابق الثالث، طرقت الباب، انتظرت حتى يفتح لها. مرت أكثر من دقيقة وهي على هذا الحال، عقدت ذراعيها أمام صدرها وصدرها يعلو ويهبط إثر صعودها. فتح لها أخيرًا وهو يقول:

نعم!
ردت عليه بهدوء وهي تقول بنبرة مرتعشة إثر توترها:

بابا عنده جلطة في رجله وهو مش بيتحرك ولا بيتكلم زي ما أنت شفته كدا، والقعدة الطويلة دي بتتعبه وممنوعة عنه. من فضلك دخله هو يرتاح، ومش مهم أنا.
شاح بدران بوجهه للجهة الأخرى وهو يتمتم بخفوت:

لا حول ولا قوة إلا بالله.
تابع بجدية:

يا ستي متشيلنيش ذنب الحج، أبوس ايدك، دخولك هنا معناه إن الشقة شقتك وإن أنا موافق.
ردت بهدوء وهي تحاول تأكيد ما يقوله:

طب ما هي فعلًا شقتي!
شقتك من انهي ناحية!! دي ورث أبويا الله يرحمه من أبوه، وعمي كتب لي العقد بتاعها من يومين.
دي مش مشكلتي، حل مشاكلك مع عمك، لكن دي شقتي.
طب اتكلي على الله بقى، بدل ما قلي أدبي عليكي.
كاد أن يغلق الباب لكنها وضعت يدها مانعة إياه. من فعل ذلك، اقتحمت الشقة مندفعة تجاه الشرفة، أشارت بيدها لمجموعة من الشباب التفوا حول أبيها بعد أن تعال صوت صراخه من فرط تعبه وقالت:

معلش يا شباب اطلعوا بي لهنا، هتعبكم معايا معلش.
تكفل أهل الخير بمساعدتها، بينما كانت هي في مشاجرة جديدة مع بدران، حاولت أن تنظف أي مكان ليجلس عليه، علام التقزز والإشمئزاز يعتريان وجهها. كاد أن يتحدث لكن منعه رئيس اللجنة العرفية للحارة وهو يقول:

خلاص يا بدران كفاية لحد كدا، زعيق من الصبح ومحدش عارف يكلمك.
يا عم شوقي، دي شقتي، فاهم يعني إيه.

شقتي عمي بعها ازاي وهو بايعها أصلا ليا
تابع پغيظ من بين أسنانه وقال
بس لو اطوله واعرف اختفى في انهي ډاهية
رد العم شوقي وقال
طالما معها عقد بيثبت ملكيتها للشقة واتنين شهود عليه يبقى هي كمان صاحبة الشقة
تتدخل المحام وقال