سمعت صوت ليلى تقترب منهما فتحدثت برجاء لأول مرة:
أرجوك يا مازن شكلي هيبقى وحش نزلني
ابتسم بهدوء لنطقها اسمه وأنزلها برفق شديد
_إيه دا مازن بتعمل إيه هنا
_مش جالي نوم ومحتاج قهوة
_طيب حاضر روحي إنتي يا حور وأنا هعملها وأجيلك بس ليه الكرسي هنا
_مهو أنا مطولتش الملح فجبت الكرسي وخديته
_أيوه بس اللي معاكي مش ملح دي الشطة
تطلعت حور لما في يدها وابتسمت بخجل شديد على غبائها
_طيب خلاص روحي إنتي جهزي السفرة وأنا جاي لك
ذهبت حور إلى تجهيز السفرة بينما ذهب هو إلى مكتبه لكنه قبل أن يسير رأها ممسكة بذراعها بشدة وتألم
اقترب منها بقلق ظاهر عليه:
مالك واقفه ليه كده
_مش عارفة أحرك السفرة دراعي وجعاني
تنهد عندما تذكر أنه ضغط على ذراعها بقوة ألمتها
_طيب وسعي
أمسك بالسفرة وقام بتجهيزها سريعا قبل أن يلاحظه أحد
_مازن!! انت بتعمل إيه
_عادي يعني ببعدلها السفرة
_دا من أمتی دا أنا طول قعدتي في الدار وأنا بتحايل عليك تساعدني في قشاية يخويا
ذهب سريعا من أمامهم وجلس في مكتبه لبعض العمل بينما جلست الفتيات لتناول الفطور
في مساء اليوم التالي:
_إيه دا يا ليلى
_دي يا ستي حاجة كده بتخفف الوجع زي الكريم كده عندكم بس إحنا حاجتنا طبيعية
_يا سيدي طيب ليه مش من بدري الحوار دا
_تقدري تقولي خدت الأذن
_أذن!! من مين
_مازن اصل الحاجات دي خاصة بي محدش بيقرب منها ورغم كده اتفاجئت إنه بيقولي أدهنلك بيها عشان دراعك
_تلقيه بس حس بالذنب من ناحيتي
_لا مازن مش من النوع دا هو طول عمره مش بيهتم بحد ولا بيعمل حساب لحد لأن بابا دايما ممسكه كل حاجة ومعتمد عليه ومحدش يقدر يقوله لأ
_والله إنتو بس اللي مدينين له قيمة أكثر من حقه المهم مش هتقومي تجهزي؟
_أجهزي في إيه؟
_فرحك يا بنتي يلا عشان نلحق نجيب الحاجة
_لا هبعت حد من الشغالين اصل ماينفعش أخرج
_إيه دا ليه وبعدين إزاي يعني الشغالين هيفهموا مقاساتك ولونك وكل حاجة
_مهو هنا محدش بيطلع من داره ومازن مش بيقبل بكده
_لا الكلام دا مش معايا يلا قومي
_يا بنتي ماينفعش اصل…
طق طق
_ادخل
_البيه بيقول لسعاتك حضري الطلبات وهو هيجيبها وهو عائد
_حاضر ثانية واحدة اتفضلي
أخذت حور الورقة من يديها وتحدثت بعناد:
قوليله مفيش طلبات ولا أقولك أنا هقوله بنفسي
ذهبت حور له حيث أنها علمت من أحد الحرس أنه يجلس في السيارة منتظراً تلك الورقة
دقت على باب السيارة بجرأة حتى انتبه لها
خرج من السيارة وهو يتطلع لها بتعجب شديد:
_أفندم!!
_انت يا جدع انت مش هتبطل اللي بتعمله دا يعني كفاية أنا! إيه ذنبها أختك تجبلها حاجة أكيد مش هتعجبها
_إنتي بتتكلمي عن إيه؟
_عن دول
رفعت الورقة أمامه بغيظ شديد بينما هو فهم مقصدها
_أنا مش فاضي للعب العيال دا هاتي الورقة
جذبتها سريعا وتحدثت بشجاعة:
لا غير اما تاخدها معاك وتجبلها اللي هي عايزاه كمان
تحدث ببعض العصبية:
مفيش كده إحنا مش في مصر إنتي فاهمة؟!
_لا مش فاهمة مفيش عرف يقول إنك تعمل كده دي أختك ودا فرحها من حقها تفرح من حقها يكون ليها رأي حتى لو غلط المهم تسمعها
أغلق باب السيارة بقوة وغضب شديد ثم أمسكها من ذراعها متحدثاً:
إنتي عايزة إيه؟ فكرة إن كل بنت زيك بجحة وجريئة كده!! فكرة إننا مش هنقدر كمان نحكم على أهل بيتنا لو إنتي ملكيش حد يربيكي أو أب تحترميه فإحنا هنا لينا حد نحترمه ونقدره ودا نظامنا فاهمة مش مسموح ليكي أنك تعترضي أو تعاندي في حاجة زي دي أنا أخوها وهي أختك اطلعي إنتي منها!
بمجرد أن أنهى ذلك الحديث رأى تلك اللمعة في عينيها وكأنه سمع صوت تكسير بداخلها لم يعلم كيف تحدث هكذا إلا أنه هدأ قليلاً مما قاله
أما هي فنزلت دموعها بنار محرقة فتلكم أول مرة تشعر وكأنها وحيدة! أول مرة تحتاج إلى والدها حقاً لكن كيف؟
تحدثت وهي تزيل دموعها وتخفض عينيها بعيداً عنه:
أنا آسفة مكنتش أعرف إني إنسانة وحشة أوي كده وطبعا عندك حق أنا ممكن مليش أب وممكن دايما بعاند اللي قدامي بس كل دا عشان خايفة…
نظر لها نظرة مطولة وهو يرى دموعها وصوتها الذي تغير فجأة وهدوءها الغير عادي
أكملت متحدثة:
أنا من يوم ما بابا مات وأنا دايما خايفة خايفة اللي قدامي يكسرني زي ما انت عملت كده عشان كده ببان شجاعة ومش بيهمني بس تقدر تقول إن أكثر إنسان أنت شايفه مش بيحس وبيضحك طول الوقت هو أكثر شخص مكسور من جواة والحزن دايما محاوطه… أنا مش عارفة ليه بقولك دا بس يمكن عشان أختك متحسش نفس الإحساس اللي أنا حسيته لما بابا توفى وبقيت لوحدي أنا آسفة مرة تانية ومش هدخل في حياتكم تاني.
ركضت سريعا من أمامه بعدما نزلت تلك الدمعة الأخيرة التي أحرقته وجعلته يندم كثيراً مما قاله
مسحت دموعها بهدوء قبل أن تدخل الغرفة:
_إيه يا بنتي عملتي إيه؟
_بصي هو أنا قولته وهو…
_وأنا وافقت!
نظرت خلفها سريعا رأته أمامها مباشرة فلم يتحمل أن يكسر قلباً كان سبباً في عدم نومه
ركضت ليلى فرحة محتضنة أخاها بحب:
أنا بجد مش مصدقة شكرا جدا يا مازن أنت أجمل أخ
بادلها الحضن متحدثاً بحنان لأول مرة:
وأنت أجمل أخت ربنا ما يحرممني منك
كانت تنظر لهم بدموع حالمة تتمنى لو حالفها الحظ وكانت مكانها! لكن هنا الوضع مختلف فقد تمنت أن تحتضن أباها لكن ليس من كسرها
كان ينظر لها بندم وحزن وهو يراها هكذا أول مرة يشعر بذلك الضيق وتلك القسوة منه:
_طيب يلا روح أنت وأنا ثواني وهجهز
_تمام أنا هستناكي برة و…
حاول أن يلمح بشيء لكنه لم يستطع
_إيه يا مازن قول محتاج إيه؟
_لا مفيش أنا تحت
بعد عدة دقائق أتت ليلى سريعا إليه وعلى وجهها ابتسامة حالمة:
_هه يلا بينا أنا جاهزة
تحدث مازن ببعض الحرج:
طيب يعني مش واجب عليكي تعزمي الضيفة اللي عندنا حتى يعني عشان يبان إنا صحاب واجب؟
تحدثت ليلى متناسية: يا نهار! اتصدق صح أنا ازاي فاتتني دي أكيد حور هتزعل طيب ثواني…
خرجت سريعا وبعد دقائق عادت ويبدو عليها الضيق
تحدث مازن بشك:
إيه حصل مجتش ليه؟
_حاولت كتير بس رفضت باين كده فيه حاجة مضايقاها بس مش عايزة تقول
_طب وبعدين؟
_خلاص نروح أنا وأنت ولما أجي أعرف مالها
_طيب أنا عندي حل
_إيه هو قول؟
بعد ثواني عادت ليلى إلى غرفتها حزينة وشاردة
اندهشت حور لعودتها سريعا فجلست بهدوء بجانبها وتحدثت ببعض القلق:
مالك يا ليلى إيه رجعك تاني؟
_مش هروح
_مش هتروحي!!!!
_ايوه هروح ليه طالما مش معايا حد بيفهم في الأذواق ويختار معايا
_طب ما مازن معاكي
_مازن إيه مازن راجل يعني صعب يفهمني وأنا وحيدة مليش أخت ولا صاحبة تروح معايا
_طب وغغالية ما هي بردو…
_غالية إيه غالية لو شافت فستان حلو شوية ممكن تقتلني فيه اصلها قفل أوي
_طب وبعدين إنتي بكره فرحك
_خلاص بقى مفيش مشكلة أمري لله
نهضت حور بإصرار:
يلا يا ليلى قومي مفيش وقت أنا هاجي معاكي
_مش إنتي قولتي…
_خلاص أنا قولتي يلا بينا حصليني إنتي عقبال ما أجهز
ظهرت ابتسامة جميلة على وجه ليلى عندما نجحت خطة أخاها سريعا
ظل منتظرا في السيارة حتى أتت ليلى ومعاها حور التي تحاول بقدر الإمكان ألا تنظر إليه ولا تحتك به
قاد السيارة سريعا إلى إحدى المحلات الفاخرة:
_يلا يا حور دا فيه هنا فساتين روعة
جذبتها سريعا من يدها وجلست في إحدى المقاعد منتظرة ليلى تجرب أحد الفساتين الفاخرة
_هه إيه رأيك؟
_جميل جدا ولونه هادي هو دا
ابتسمت ليلى بحب ثم تحدثت بعفوية:
طب يلا جربي دا
_إيه لا طبعا أنا جاية معاكي عشان أختار ليكي حاجة كويس مش أكثر
_أيوه فاهمة بس دا هيكون فيكي جميل جدا عشان خاطري جربيه
_خلاص هجربه بس بعديها هسيبه ونمشي اتفقنا؟
_حاضر يا ستي اتفقنا
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
