* هنزل أنا يا بابا، مش هتأتخر متقلقش.
رسم بسمة خفيفة على ثغره إثر الأزمة التي تعرض لها في الآونة الأخيرة.
سارت بخطواتها البسيطة حتى وصلت لهما. نظرت لها مساعدة عمها وقالت بصدمة:
* دا بيقول مبعش الشقة مع إن وصله الفلوس، صدقيني.
نظرت لها وقالت بتوتر:
* إزاي الكلام دا، أكيد في حاجة غلط يا ميرفت.
كادت أن ترد عليها، لكن صوت رنين هاتفها قاطعها. قامت بالضغط على زر الإجابة ما أن وجدته رئيسها في العمل:
* مستر معتز دا حصل مشكلة والأستاذ بدران بيقول إنه ماخدش حاجة واـ إيه!! امشي حالاً!!
ابتعدت قليلاً وقالت بخفوت:
* بس كدا لو المشكلة متحلتش هتبقى تولين في الشارع هي وباباها!! مستر… حاضر يافندم اللي تشوفه حالاً، هنسحب.
عادت واعتذرت منها وهي تقول:
* أنا آسفة يا تولين، مستر معتز أمرني أمشي من هنا حالاً.
* طب والمشكلة اللي وقعنا فيها!
* أنا آسفة مش هقدر أعملك حاجة في الوقت الحالي، عن أذنك.
تسمرت تولين مكانها ما أن وصل لمسامعها انسحاب الجميع. لحظات حتى استوعبت ما يحدث حولها، تنحنحت وهي تقول بهدوء:
* أنا تولين رضوان العفيفي.
ألقى بدران ما بيده وقال بضجر:
* مش هنخلص النهاردا، خير يا ست في إيه أنت كمان!
ردت بعصبية مماثلة قائلة:
* إيه ست دي وبعدين مالك بتتكلم كدا ليه، هو أنا بشحت منك!! أنا بطالب بحقي.
لم يتحمل نبرتها المتعجرفة تلك، رد بغضب جم وهو يلقي ما بيده خلفها. لم تهتز قيد أنملة، طالعته بتحدٍ وقوة وهو يقول:
* حق مين لامؤخذة! هو أنت شاربة حاجة على المسا، الشقة اللي السنيورة بتكلم عنها دي شقتي، بإسمي ومعايا عقد بكدا!
رفعت ذقنها بشموخ وهي تطالعه ببرود تام. عادت ببصرها لحقيبتها الجلدية، دست يدها داخلها لتخرج عقداً ابتدائياً وضعته نصب عينيه وقالت:
* أنا كمان معايا عقد إني اشتريت الشقة دي من شهرين بس، ودا العقد، وبالنسبة للعقد اللي معاك دا تبله وتشرب ميته، أنا عاوزة الشقة.
تركها وهو يلوح بيده غير مبالٍ بثرثرتها، لكنها قبضت على ساعده وقالت:
* أنت رايح فين! أنا عاوزة الشقة بتاعتي!
مال بجذعه ليقابلها لفارق الطول الشاسع بينهما وقال بعصبية مفرطة:
* اهدي وقولي هديت عشان أنا مش ناقصك، وبالنسبة للشقة اللي بتقولي عليها شقتك دوري عليها وابعدي عني أحسن لك، أنت فاهمة ولا لا!
ردت بعناد وحاجب مرفوع عن الآخر وقالت:
* لا.
—
بعد مرور عدة ساعات من اللحاق به هنا وهناك، أجبرته على الجلوس داخل جلسة عرفية. وافق بعد محاولات عديدة، ووضع عقده الابتدائي مقابل عقدها أمام محامِ الحارة. قرأه جيداً ثم نظر للعقد الآخر، وانتهى منهما وهو يقول بجدية وعملية:
* العقود الاتنين قانوناً لا غبار عليهم، ودا يخلينا نقول إنكم قانوناً مش هتوصلوا لحل يرضي الطرفين.
رد بدران وقال بعصبية:
* إيه الكلام الماسخ اللي أنت بتقوله دا!
اعتدل المحامي في جلسته ثم قال بقلق:
* ما تهدأ يا بدران، أنا مقلتش غير اللي أعرفه، ولو مش مصدقني روح بكرا النيابة وهي تأكد كلامي.
ردت تولين وهي تتناول عقدها منه وقالت:
* أنا عاوزة استلم شقتي لو سمحت.
هدر بدران بعصبية وقال:
* يا ست اركني لنا على جنب شوية، أما نشوف المصيبة اللي وقعت على دماغي دي!
رد المحامي وقال:
* والله يا بدران لاهدعرف أساعدك ولا أساعدها، عمك باع الشقة مرتين، مرة ليك ومرة ليها، والاتنين بعقد ابتدائي، وأنت عقدك من يومين بس وبردو سليم.
وثب عن مقعده وقال بوعيد وهو يتجه حيث منزل عمه الذي غادر المنزل كالبرق. ولأنه يعلم أن بدران لن يتعرض للنساء، قرر تركهما في المنزل حتى المساء. ورغم محاولات كبار الحارة، فقد السيطرة على أعصابه وقرر دخول شقته بمفرده تاركاً تولين ووالدها في الحارة.
—
بعد مرور يومين قضتهما داخل مسجد الحارة حتى يمنّ عليها بدران المر ويسمح لها بالمكوث داخل شقتها، وبعد محاولات عديدة في الوصول لعمها أو ابنه لكن جميعها باءت بالفشل الذريع، بدأ أبوهَا في التألم فقراته القطنية والجلوس لعدة ساعات أصبح ممنوعاً عنه.
تحسست ظهر يد أبيها وقالت بنبرة حانية:
* معلش اتحمل يا بابا، أنا مش عارفة أعمل إيه حتى عمو مش بيرد.
بكى والدها من فرط ألمه، نظرت حولها فلم تجد أي شخص سواه واقفاً في شرفته، قررت أن تطلب منه برفق علَّه يرضى، وإن رفض ستدخل رئيس اللجنة العرفية ومعاونيه.
ولجت البناية، قفزت بين سلالم الدرج صاعدة حيث الطابق الثالث، طرقت الباب وانتظرت حتى يفتح لها. مرت أكثر من دقيقة وهي على هذا الحال، عقدت ذراعيها أمام صدرها وصدرها يعلو ويهبط إثر صعودها. فتح لها أخيراً وهو يقول:
* نعم!
ردت عليه بهدوء وهي تقول بنبرة مرتجشة إثر توترها:
* بابا عنده جلطة في رجله وهو مش بيتحرك ولا بتكلم زي ما أنت شفته كدا، والقعدة الطويلة دي بتتعبه وممنوعة عنه، من فضلك دخله هو يرتاح ومش مهم أنا.
شاح بدران بوجهه للجهة الأخرى وهو يتمتم بخفوت:
* لا حول ولا قوة إلا بالله.
ثم تابع بجدية:
* يا ستي متشيلنيش ذنب الحج أوس أيدك، دخولك هنا معناه إن الشقة شقتك وإن أنا موافق.
ردت بهدوء وهي تؤكد ما يقوله:
* طب ما هي فعلاً شقتي!
* شقتك من انهي داهية!! دي ورث أبويا الله يرحمه من أبوه وعمي كتب لي العقد بتاعها من يومين.
* دي مش مشكلتي، حل مشاكلك مع عمك لكن دي شقتي.
* طب اتكلي على الله بقى بدل ما أقل أدبي عليكي!
كاد أن يغلق الباب لكنها وضعت يدها مانعة إياه، ومن فعل ذلك اقتحمت الشقة مندفعة تجاه الشرفة، أشارت بيدها لمجموعة من الشباب التفوا حول أبيها بعد أن تعلا صوت صراخه من فرط تعبه وقالت:
* معلش يا شباب اطلعوا بيه لهنا هتعبكم معايا معلش.
