
حمزة: تسلم إيدك، الفشار تحفة.
حورية جابت ورقة وكتبت: انت لطيف أوي يا حمزة بجد، شكرًا إنك جنبي.
حمزة ابتسم من كلامها وفرح من جوه إنه هيقدر يقرب منها. ناموا هما الاتنين جنب بعض. صحيت حورية لقيت نفسها في حضنه، كان حضنه كأنها ابنته. حورية سرحت فيه. قد ايه انت شخص لطيف، كان نفسي أتكلم معاك عادي بس للأسف. حمزة فتح عينه بصله وابتسم، وهو بيرجع شعرها لوراء. صباح الخير يا حوريتي. حورية اتكسفت وقامت جريت.
عده شهر وحمزة كل يوم بيقرب منها، اتغير كتير عن الأول، بقى بيصلي كل وقته بوقته، أحيانًا بيصلي بيها، ودي حاجة بتخليها مبسوطة. بقى بيروح الشغل ويرجع يلاقيها محضرة الغدا. هو لطيف جدًا وحنين عليها، عمره مزعلها. حتى لو عملت الأكل وحش يبوس إيديها ويقولها تسلم إيدك يا حوريتي. بقى شئ أساسي في يومها، مش بتعرف تبعد من غيره. شكلها حبيته. آه حبيته، شخص زيه لازم يتحب. وقررت إنها تعترف بحبها ليه، لأنها متأكدة إنه هو كمان بيحبها.
حمزة: حورية، يا حورية، انت فين؟
طلعت حورية من المطبخ وبصتله.
مسك إيدها: تعالي هوريكي حاجة. طلع سلسلة فضة مكتوب عليها حوريتي. حورية فرحت جدًا بيها وهو لبسها لها. حورية جابت ورقة وكتبت: ربنا يخليك ليا، متحرمش منك أبدًا. يلا قوم غير هدومك علي ما أحضر الغداء.
حمزة قام باس إيدها: حاضر يا روحي.
حورية اتكسفت من كلامه بعد ما مشي. فضلت تبوس في السلسلة وكانت فرحانة بيها.
قامت حضرت الغداء وكانت رايحة أوضت حمزة، بس سمعته.
حمزة: أحب مين يا ابني؟ انت عبيط. لا لا لا، هو يعني عشان اتعملت معاها بلطف شوية يبقى كده خلاص حبيتها؟ بقى وجوه العشق الممنوع ده؟ ابني أبدًا، دي شفقة ليها مش أكتر. وبعدين حمزة يوم ما يحب يحب واحدة زي دي. هههههه. وكان بيلف وشه. حورية.
حورية سمعت الكلام اللي قاله حمزة، فتحت باب الشقة وطلعت تجري وهي منهارة من العيط. كانت بتفتكر كل لحظة بينهم. حمزة كان بيجري وراها. حورية استني، حورية اسمعيني، حورية.
حورية لفت وشها ليه، بس فجأة.. صرخت بصوت عالي: حمزاه. جريت عليه بعد ما العربية خبطته. حمزة رد عليها.
حمزة وهو بين إيد حورية: حو.. حورية.. ان.. انت.. واغمي عليه.
طلبت الإسعاف، جات أخدته على المستشفى. ووصل باباها ومامت حمزة وأختها. أول ما شافت باباها جريت عليه وهي بتعيط جامد.
خالد: اهدي يا حبيبتي، متقلقيش، هيكون كويس.
حورية وهي بتعيط: ب.. با.. بابا.. ح.. حم.. حمزة يا بابا.
خالد في ذهول: حورية، انت بتتكلمي؟ ضمها لحضنه أكتر، مش عارف يفرح بشفاء بنته ولا يزعل على جوزها. اكتفى إنه يحضنها.
مامت حمزة: حورية يا بنتي، كفايا عياط، هو هيبقى كويس بس انت ادعي له.
حورية ضمتها جامد: أنا آسفة يا ماما.
بعد شوية خرج الدكتور.
حورية جريت عليه: ط.. طمني يا.. يا دكتور.
الدكتور: الحمد لله، جات سليمة، الجروح سطحية، يقدر يخرج معاكم.
حورية: طب أقدر أشوفه؟
الدكتور: آه طبعًا.
دخلت حورية، شافت حمزة كان نايم على السرير، قربت منه: حمزة.. حمزة.
حمزة: حورية.. كنت خايف لا متجيش.. أنا آس..
حورية: مفيش داعي للكلام ده. حمد لله على سلامتك. كويس إني اطمنت عليك. أنا دخلت بس عشان أقولك طلقني. وكانت هتقوم، حمزة مسك إيدها.
حمزة بتعب: حورية أرجوك اسمعيني. صدقيني أنا بحبك انت.
حورية: كدبة تانية؟ أنا سمعتك على فكرة. وأنا قرارات إني أسيبك خلاص.
حمزة: طب طب، خليك يومين معايا لحد ما أقوم بالسلامة، عشان انت عارفة ماما تعبانة ومش هتقدر تهتم بيا.
حورية بعد تفكير: خلاص تمام، هما يومين وكل واحد يروح لحاله.
حمزة ابتسم.
وصلوا على البيت وحمزة كان تعبان محتاج حد يسنده.
حورية: اسند عليا.
حمزة: لا، عشان متتعبيش، أنا هطلع وحدي.
حورية بنرفزة: اخلص يا حمزة الله.
حمزة بضحك: طب براحه، هتضربيني؟
وصلوا الشقة، حورية دخلت حمزة على السرير: هروح أحضرلك الغداء.
حمزة: أنا محتاج أتكلم معاك.
حورية: احنا مفيش بينا كلام. وسبته وخرجت.
عده أسبوع وكل اللي بينها وبين حمزة إنها تكون معاه لحد ما يقوم بالسلامة، بس هي قلبها وجعها من كلامه ومش قادرة تغفرله. لحد ما جه في يوم.
حمزة: حورية أرجوك اسمعيني.
حورية: أسمع اي؟ أنا اللي سمعته كفايا. كنت خلاص بدأت… وسكتت.
حمزة: بدأتي اي؟ قولي.
حورية: خلاص أنا قرارات إني هطلق.
حمزة بنرفزة: وأنا مش هطلق. وسبها ودخل أوضته. وحورية كذلك دخلت أوضتها.




