
هتف غاضبًا: برضه مفيش فايدة فيكي. بتردي عليا؟ ايه؟ مش خايفة على أكل عيشك وانت شكلك الغلب مقطع حالك؟
لتنظر إليه بقهر لتهتف: لا مش خايفة يا مستر حمزة، لأن الرزق بإيد ربنا. تخليني تخرجني؟ دا بتاع ربنا. وغلب ايه اللي مقطع حالي؟ شايفني؟ القيمة مش الفلوس. فيه ناس متعبية فلوس، واللي في النفوس يخوف.
اقترب منها غاضبًا ومسك يدها: قصدك ايه يا بت انت؟
شدت يدها: انت ما تمدش إيدك عليا. ايه ده؟
دخل مازن ليسمع أخيه: أمد إيدي عليا مين يا بت انت؟ انت تطولي سيادت السفيرة عزيزة؟ مالك؟ ما تتأنزحه كده؟ هو فيه ايه؟ ما تبصي لنفسك.
هتف مازن: ايه يا حمزة؟ فيه ايه؟ ايه يا خديجة؟
نظر حمزة إلى أخيه بغضب.
فاقترب مازن من خديجة، ايه؟ فوجد دموعها تنهمر، فقال: طب اهدي اهدي، خلاص، حصل خير.
نظر حمزة مشتعلًا من نظرات مازن اللينة: آه، الهانم هتبتدي تتنحنح بقى ونسيب شغلنا.
نظرت إليه غاضبة: لا لكده، وتلزم أدبك. مين اللي تتنحنح ل… لتنفجر في البكاء.
عم الصمت، فهتف مازن: ايه يا حمزة؟ ده كلام؟ تعالي يا خديجة. ليخرجها من المكتب.
هنا لم يتمالك حمزة نفسه، فمسك أحد الكتب ورزعها في الأرض ووقف يأكل نفسه. البت نازلة رد الكلمة بكلمة. ايه مالها؟ شايفة نفسها كده؟ ظل يأكل نفسه. وسي طين ده يعرفها منين؟ ونازل طبطب على الهانم وتروح معاه ليه؟ يعرفها منين سي زفت؟ آه، أنا أعض وهو يطبطب النحنوح. ظل يأكل نفسه بلا هدف.
عند مازن وخديجة، كان مقتربًا منها فمسك يدها: طب خلاص والنبي، ماستحملش عياطك ده.
شدت يدها وقالت: أنا ما عملتلوش حاجة، وهو عامل كده ليه؟ دا مش طبيعي والله.
مسد على يدها: طب حقك عليا، هو ساعات كده بيتعصب من غير سبب. معلش، خلاص بقى، بطلي عياط.
لتشد يدها خجلًا، فهمس: والله لو ما بطلتي لأروح أزعقله يقوم ضاربني، أرجعلك عنيا وأرمه. ترضي بكده؟ دا ما بيتفاهمش.
لتبتسم له، فقال: يا حلاوته. القمر بيضحك أخيرًا.
فقالت: من فضلك، بلاش الكلام ده.
نظر إليها بهيام: بلاش ايه؟ القمر قصدك؟ تصدقي صح، بلاش، نمشيها نجمة من السما، شمس الشموس، نورت. لتبتسم وتحمر.
فقال: يا بنتي بقى، وعايزاني أسكت بحمارك ده؟
فقالت: من فضلك يا مستر مازن، بطل.
ليهتف: لا، مستر ايه؟ يعني مستعد آخد على عنيا وأبقي أعور وتقوليلي يا مستر؟ عايزة تقهربني؟ مازن يا خديجة، أنا مازن.
ابتسمت وخجلت، ليهتف: طب يا ستي، هنقضيها حمار. بصي، انت من هنا ورايح هتبقي معايا.
سمع أخيه من خلفه يهتف غاضبًا: هو ايه المسخرة دي؟ فيه ايه يا مازن؟ هو ايه اللي هتبقي معاك؟ هو الدنيا اتسابت؟ والا الهانم ما صدقت؟
ليبهت مازن: فيه ايه يا حمزة؟ مفيش حاجة.
قال وهو يغلي غاضبًا: لا والله، واقف للهانم والهانم ضاربه حمار على الآخر، وتقله انت من هنا ورايح معاك. معاك فين بالضبط؟ ما تنطق.
قالت خديجة غاضبة: انت بتقول ايه انت؟ فيه ايه؟
قال ساخرًا: لا والله، اعمليهم علينا ياختي.
صرخت: أعمل ايه يا جدع؟ انت فيه ايه؟
اقترب غاضبًا: بت انت، لمي لسانك.
ليهتف مازن: فيه ايه يا حمزة؟ ما حصلش حاجة. استدار إلى خديجة: امشي انت يا خديجة دلوقتي.
ليهتف حمزة: آه، امشي، هنقضيها بعدين ياختي.
صرخت: لا، انت تحترم نفسك. انت فاكر إني هسكتلك؟
قال غاضبًا: كمان ليكي عين؟
ردت بانفعال: آه ليا عين، وأدب صوابعي في عنيك، ايه رأيك؟ هي سايبة كل شوية تهيني؟ ايه ده؟
صرخ مازن: امشي بقى دلوقتي. لتمشي ساخطة وهي تشتمه.
صرخ حمزة غاضبًا: فيه ايه بينك وبينها؟ ايه؟ ما تنطق؟ وزانقها في جنب ونازل نحنحه.
ليبهت مازن من غضبه: ايه يا حمزة؟ أسلوبك ده فيه ايه؟ خديجة حد محترم.
ليهتف حمزة: ومن امتى انت بتعرف حد محترم؟




