منوعات

روايه تحديته فأوقعت نفسي

ربتت علي كتفه تخفف قليلآ عنه قائلة”” مالك يا إبراهيم في حاجه مزعلاك إحكيلي يا حبيبي خف عن نفسك شوية …
إبتسم من حنية زوجته التي تهون عليه برغم كل المشاكل والأفكار التي تتقاتل بداخل عقله إلا إن وجودها بقربه يزيح عن قلبه وعقله حقآ فأجابها بنفس الإبتسامة””كل إلي حصل النهارده وبتسأليني إيه إلي حصل ،بس أحلي حاجة إنك جيتي دلوقتي أنا كنت محتاج أتكلم معاكي شوية بخصوص رودي…
ظنت أن سيف أيضا تحدث معه بخصوص الخطوبة فزفرت أنفاسها بصوت عالي وهي تضع يدها علي صدرها وكإنها إرتاحة من ثقل كبير قائلة “””قلقتني بجد أنا فكرت إن في حاجه وحشه حصلت .
فأجابها متأسف بعد أن سمع زفرتها ورئ علمات القلق التي كانت إحتلت معالم وجهها “”سامحيني بس فعلا أنا خايف من رودي وأسلوبها إنتي ما شوفتيش هي عملت إيه النهارده في المكتب دي أحرجتني وأحرجت سيف جامد لولا إن هوا فعلا إنسان كويس مكنش إمتص الموقف كدا …
أجابته مصدومة وحزينة من رد فعل رودي “”زعلتني بجد وأنا إلي كنت مفكرة إنينا من هنا ليوم الجمعة نكون لينا دماغها النشفة دي شوية علشان تقعد معاه ويتكلمو يمكن يقربوا من بعض شوية بجد واحد ذي سيف مايتعوضش.
تنحنح ليجد صوته فهو من أصبح مصدوم ليس هي “”إنتي تقصدي إيه أنا مش فاهم ؟ مين يقرب من مين وليه؟
شعرت إنها تسرعة وربما تكون أفاضت بما لديها بشكل خاطيء فجلست علي طرف السرير تحاول ترتيب أفكارها فحسها أن توضح له حديثها فأردفت إليه موضحه””أصل والدة سيف طلبت مني إيد رودي قبل ما يحصل إلي حصل مع رودي في الحفلة فأنا قولت ليها هتكلم معاك ونسأل رودي ونديهم خبر بعدين.

هب مفزوع من مكانه يحاول أن يرتب أفكاره التي تداخلت مع بعضها كإنها لوحة من الألغازالمتشابكة
أردف إليها وهو غير مستوعب “”سيف طلب إيد رودي طب إذاي؟؟؟
أردفت مؤكدة”أمال أنا عزمتهم يوم الجمعة ليه؟.. علشان سيف ورودي يقعدو مع بعض شوية يمكن يتفقوا..
ضحك بسخرية قائلا “”مين بس إلي يتفق يا إبتسام دي بنتك نار في ردودها و إنفعالتها ….ثم إلتفت إليها ينظر بصدمة غير مستوعب بعد مكملآ “”””بس فعلا غريبة إذاي سيف يطلب إيد رودي؟؟ أكيد في حاجه”!! ….قاطعته بعد أن تذكرت حديثها مع أم سيف “””يااااني أنا إلي نسيت ولبخت الدنيا، هو مش سيف إلي طلبها بنفسه ،سيف أصلا ما يعرفش هي والدته إلي طلبت إيدها وهتقول له لما يروحو دي كانت فرحانه جدآ لما لمحت ليها إني موافقة ..
نظر إليها وبدء يفكر في شيء معين يعقد العزم عليه متوكلآ علي الله فأردف إليها متسائلآ وقد إكتملت الفكرة برئسه “هي رودي نامت …
أجابته وهي تعلم أن خلف سؤاله الكثير “بيتهيقلي أه لإني خبطت عليها علشان أديها تتعشا هي وتالا …وتالا هي إلي شكرتني وقالتلي مش عايزين يتعشوا لإنهم هيناموا …
أومأ برأسه متفهم وإستلقي علي شقه الأيمن قائلا “طب كويس تصبحي علي خير يا إبتسام …إكتشفت إنها أخبرته بكل شيء ولم يخبرها هو بأي شيء فإقتربت منه تحثه علي أن يخبرها عما حدث فأجابها “”الصبح إن شاء الله هتعرفي وتفهمي كل حاجة نامي بس دلوقتي …..فإنصاعت إلي أمره وإستلقت بجواره لتخلد إلي النوم سريعآ بسبب الإرهاق البدني الذي بزلته إلأيام الماضية ….

إلتقط هاتفه مترددا في الأتصال بها في هذا الوقت ولكنه حسم أمره فهو مضطر للإتصال فوضعه علي أذنه ينتظر الإجابة وما هي إلي ثواني معدودة حتي أتاه صوتها مجيبة…”أستاذ حسام
أجابها بإحراج “”السلام عليكم أنا بعتذر إني بتصل بيكي في وقت ذي ده بس..
أجابته برقة “”وعليكم السلام ..لا أبدآ إنت تتصل في أي وقت يا أستاذ حسام .
إستشعر الرقة في نبراتها فأجابها بحزم “”أنا كنت عايز أطمن …جهزتي الورق إلي إديته ليكي النهاردة..
إذدادت رقتها بصورة واضحة وهي تقول متنهدة “”أكيد كل حاجة جهزتها ….أنا عارفه إن ما فيش وقت الصبح للمراجعة….فقعدت راجعته مرة وإثنين وإطمن خالص صدقني.
إذدرد ريقه في توتر من رقتها المبلغ فيها معه فشدد من نبرته قائلآ””تمام
توتر قليلآ من رقتها المبالغ فيها معه””فشدد من نبرته قائلآ””تمام شكرآ وأكيد هبلغهم يصرفوا ليكي مكافئة علي تعبك ده …ولم يمهلها الرد فأغلق هاتفه مباشرة وألقاه بإهمال علي سطح خزانة الأدراج بجواره وأخذ يزفر بصوت عالي فهو قد ضاق بالآ من أفعال سكيرتيرته الخانقة وحركاتها المكشوفة …لا ينكر إنه أعجب في البداية بمثابرتها وكفائتها في العمل حتي أنها أثبتت مكانتها سريعا وبجدارة …ولكن مؤخرآ إيحائتها الصريحة جعلته يستنفر منها …أذاحها عن تفكيره…وإستلقي علي

بأرياحية ينظر إلي سقف غرفته …لا يعلم لما يرا صورت تالا أمامه الأن بأنفها المحمر من البكاء وشفتيها المرتعشة وهي تحاول كبت دموعها ..كانت صورة كاملة من البرأة تذكر إرتجافت يديها وهو يضمد جرحها…وكإنه إستفاق من غيبوبته عند كلمة”” جرحها”” شعر بشيء ينهش بصدره فزفر بعصبية من غبائها وتسرعها لما لم تنتظر قدومه غبية غبية …ثم تنهد بصوت مسموع قائلآ الحمد لله إنها باتت مع رودي علشان أعرف أطمن عليها …وعا علي نفسه وهوايفكر بها..
فعنف نفسه بشدة وأقنع نفسه أن سؤاله عنها سببه شعوره بالذنب تجاهها فهو يشعر أنه سبب غير مباشر فيما حدث لها بسبب تأخره عليها وأغلق عينه في محاولة منه أن ينسا كل شيء وأخذ يردد أذكار قبل النوم…
****************
إنتي هتفضلي قاعده كدا طب لما إنتي مش قد إلي إنتي عملتيه ،بتعمليه ليه مستعجله علي إيه ؟سيبيه علي راحته…
لوت شفتيها وهي تجيبه “”هو إيه إلي مستعجلة علي إيه إبني ونفسي أفرح بيه …ثم أيوا مش هوا إلي قالي لما ألاقي بنت الحلال أخطبهاله ..وأديني لقيتها الحمد لله ثم دي فلقة قمر و أدب وأخلاق ونسب …قطع حديثها وهوا يغطي رئسه بالوسادة ،،طب بدل ما إنتي واثقة قوي من كلامك قاعده وفاتحه النور ومصحياني معاكي وعماله تفكري تفاتحيه إذاي ليه ؟ ريحي دلوقتي والصبح إن شاء الله إبقي قوليله إلي إنتي عيزاه ….
أجابت مؤكدة علي كلامه بشجاعة واهية “”صح وأكيد هيفرح إنه هيناسب القائد بتاعه…..
أجابها مشجع””أكيد…”يلا بقا طفي النور بقا أنا مش شايف قدامي…

تأفأفت بضيق قائلة “”طب إنتا مش شايف وشه من ساعة ما خرجنا من هناك دا وشه ما يتفسرش صدقني في حاجه هوا مش طبيعي …
زمزم من تحت الوسادة بغيظ””أرجوكي أنا عايز أنام والصبح بأمر الله نفهم منه كل حاجه نامي بقا نامي…وأخيرآ إنصاعت إلي أمره مضطره ….
********************
أخذ سيف يجوب الغرفة ذهابآ وإيابآ يشعر بأنفاسه تتوهج بغضب متيقنآ إنها لو كانت أمامه لبرحها ضربآ متناسيآ كل أصول التعامل مع الأنثي …. هي بالفعل ليست أنثي …هي كتلة من الإستفزاز ….أرادا الصراخ ..التحطيم …لم يجد إلا غرفة التدريبات يخرج فيها جام غضبه ..
إرتدي قفازيه وأخذ يكيل اللكمات المتتالية لكيس البوكس ….يتخيل وجهها أمامه ولم يكتفي بيده فأخذ يركل الكيس بقدمه يحاول أن يصرف عن نفسه غضبه …فشدد من قوة اللكمات والركلات حتي إنقطع الكيس من مكانه …فجلس يلتقط أنفاسه الثأرة متذكر سلاطة لسانها ووقاحتها معه في كل مرة يجتمعان بها تحملها لدرجة إنه لا يصدق إنه تحكم في أعصابه أمام ردودها اللازعة….حقآ يستحق وسام أمام بسالته في التعامل معها اليوم…وتذكر عزومة يوم الجمعة وكيف كان يحاول أن يتملص منها ولكنه رضخ أمام إصرار قائده…حسنآ سيحاول أن يتلاشا مكان وجودها بشتي الطرق معادلة بسيطة….
(هي نار وهو بنزين ) وعليه تلاشي سيبتعد عنها…
*********************
يابنتي حرام عليكي النهار قرب يطلع وإنتي مزنباني جامبك رايحا جايا في إيه مالك ما تنطقي أنا تعبت خلاص…
نظرة رودي إليها بنظرة مخيفة وأجابتها بصوت أمر “””سيبيكي مني أنا هعرف أصرف أموري إن شاء الله …قوليلي إنتي إيه إلي حصل مع حسام تاني؟؟؟
أجابتها تالامتأفأفة “””قولتلك إلي حصل بينا مليون مره وكل مره تقوليلي عيدي ريحيني وقوليلي كل الأسئله دي ليه …!!!
أشارة بإصبعها إلي رئسها قائلة “”بفكر
أردفت إليها متسألة بحيرة”””وبتفكري في إيه يا فيلسوفة زمانك؟؟

صمتت فترة قصيرة غفت فيها تالا من إرهاقها …فتوقفت تالا أمامها تشملها بنظراتها قائلة بعصبية متجاهلة غفوتها “””إيه إلي هببتيه ده …إنتفضت تالا من مكانها مفزوعة …وأكملت رودي وهي تقترب منها تتوعد إليها بيديها فين شخصيتك يقولك روحي غيري مش عاجبني تجري ذي الهبلة إنتي فعلآ هايفه…
طيف إبتسامة ظهر علي زاوية شفتيها متذكرة ما حدث فأجابتها متنهده””””وماله دأنا غيرت وأنا فرحانة كمان هو عيب إنه يخاف عليا دأنا ما صدقت كمان …
بادرتها بصوت خافت مخيف “””علشان عبيطه وبتمشي وراه معمية عن الحقيقة…هو قال ليكي إنه بيحبك ؟؟
أشارة تالا نافية بوجهها لتكمل رودي …أمال عامله في نفسك كدا ليه خليه يقول عليكي مالكيش شخصية ويمل منك من قبل ما يفكر فيكي….
إلتفتت إليها تالا بخوف وقد بدئت تشعر إنها علي وشك الدخول في نوبة بكاء كبتت إحساسها قائلة بألم وتوسل “”طب إنصحيني أرجوكي أنا عارفه إني متسرعه وماليش شخصية قوليلي أعمل إيه ؟؟..
كورت قبضتها تطرقها في كفها الأخر قائلة “”تمام وأنا هقولك ثم جلست تقابلهاوجه لوجه تدس في عقلها أفكارها المتسرعة بغباء حتي الصباح ولم تنم كليهما….

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى