منوعات

رماد الماضي بقلم سلمى سمير

حمزة: آه اتعشيت. انتي بقي اتعشيت ولا مضرب عن الأكل؟

زين: مليش نفس، خدت جولة بالمجموعة، وحاليًا أنا مرهق وتعبان جدًا محتاج أنام وارتاح. يلا تصبح على خير.

ويطلع على أوضته وقبل ما يقلع بدلته يجيله اتصال يبتسم.

زين: الشقية اللي مبتسألش. رجعتي مصر أخيرًا؟ وحشتيني.

سلوان: رجعت ونفسي أشوفك موووت. تعالي أنا مستنياك.

زين: تعبان والله يا سلوان ونفسيتي مدمرة، خليها في يوم تاني. أنا محتاج أنام يمكن أرتاح وأقدر أفكر كويس.

سلوان: لا مفيش كلام من ده. حبيب قلبي حزين وتعبان. اسمع، لو مجتش هجيلك وهتعرض نفسك لمشكلة مع أخوك حمزة. تعالي انت وفضفض ليا بكل اللي وجع قلبك يا روح قلبي.

زين يتنهد: حاضر هجيلك دلوقتي. أنا واثق إنك هتقدري تريحيني زي ما كنتي دايمًا بتريحيني. يلا سلام وعشر دقايق وأكون عندك. لسه في سكنك القديم ولا غيرتي شقتك؟

سلوان: لا، في شقتي القديمة. شهر كده وأنقل لواحدة جديدة.

زين: البركة فيك بقى، تعمليها ليا هدية لحبيبتك سلوان.

سلوان: بس كده؟ انت تأمر. لما تجيلك نتفق على كل حاجة. سلام يا شقية.

ويهندم نفسه ويتبرفن وينزل يركب عربيته ليذهب لشقة سلوان.

وبعد مرور أسبوع يسافر زين وحمزة الصعيد وينزل في داره بعد رفضه إقامته في بيت خاله لنزول عمته وبنتها في ضيافته.

وفيق: ليه كده يا زين؟ يعني انت ضيفي؟ ليه تنزل في دارك انت واخوك لحالكم؟ الدار كبيرة وتساع من الحبايب ألف، وأنا بتشرف بيكي وولاد عمك بيحبو مجلسك يا ولدي.

زين يحضن عمه: معلش يا عمي، خليني براحتي، وكمان علشان يمني تاخد راحتها. انت خرجت ولادك من الدار علشانها، هقعد أنا مع الحريم أعمل ايه؟

وفيق: الحريم دول بنت عمك وعمتك وبنت عمتك، وأنا أما الشباب كل واحد ليه داره مع مرته، هيجي يقعد معانا ليه؟ يلا هما اقفل دارك وتعالي انت واخوك شرفونا بوجودكم بينا.

زين: يا عمي، أنا هفضل معاك وجمبك بس مش في الدار. دي هجي هنا للنوم ومسعدة جهزتها، ومش هضيع تعبها. مفيش خلينا هنا أفضل للكل. وبليل بالحنة هكون موجود جمبك. مقولتليش يا عمي، الزفة هتعملوها فين؟

وفيق: هنعملها في قاعة المناسبات اللي غرب البلد. العمال جهزوها وعلقو فيها الكهارب والزينة.

زين: كويس، وأنا اتفقت ليها على فرقة كاملة من مصر هتحيي الفرح ومعاها مطربها المفضل. انت عارف، خلود غالية عليا أوي وبعتبرها أختي مش بنت عمي.

حمزة: آه فهمت، ليه كنت بترفض تجوزهالي؟ بس هي أختك انت مش أختي، أنا ليه ترفض تخليني أتجوزها؟

زين: علشان انت فاشل وهي هتبقي دكتورة وانت ساقط تجارة يا فاشل. الحق نفسك قبل ما تعنس زي البنات.

وفيق يضحك: أخوك بيهزر معاك. خلود موهوبة لجلال من وهي باللفة، ولما كبرو اتخطبو من ٧ سنين وما صدقنا جلال خلص دراسته وجيشه وهنجوزهم. أما انت شاور على أجمل بنت وأنا هخطبهالك، وسيبك من كلام أخوك زين.

حمزة: أنا بضحك يا عمي. انت ناسي إني عشت معاكم ١٢ سنة وشوفت حب جلال وخلود؟ أنا بس بحب إنكش زين. ربنا يتمم ليها على خير، وزي ما زين قال، أنا مش هتجوز غير لما أخلص كلية التجارة اللي شكلي بسببها هنعس فعلًا.

ويبكي بتمثيل ليضحكوا كلهم عليه.

وفي المسا يذهب زين وحمزة لحضور ليلة الحنة ويشوف عمته يسلم عليها ويحضنها وهو مبتسم ليها.

عنايات: وحشتني يا زين. كده من الصبح في البلد ومتجيش تسلم عليا؟ ولا لسه زعلان من كلام يمني معاك؟

زين: لا يا عمتي، يمني صح. انتي وعمي فاروق السبب في اللي حصل. لو صارحتوني برفضها مكنش ده كله حصل.

عنايات: كنت صابرة عليها يمكن تعقل وتراجع نفسها. عمرها ما هتلاقي راجل زيك يا ابني.

زين: يا عمتي، أنا مش ملاك وفي أحسن مني، وهي تستحق كل خير، وربنا هيعوضها باللي يستاهله وتكون قسمته ونصيبه.

يمنى تخرج من الدار وتشوفه، كانت لابسه فستان طويل بنص كم لكن عليه شال جميل وأنيق، وتروح تسلم عليه.

زين يبصلها ويعجب باحتشامها وشياكتها، ويسلم عليه بتحفظ ويبعد عنها، لكنها تناديه.

يمنى: زين، ممكن أكلمك كلمة على انفراد؟

زين: مفيش بينا كلام يتقال تاني يا بنت عمتي. عن إذنك.

يمنى بغيظ: لا، في. ممكن نتكلم دقيقة واحدة بس.

زين: حاضر، اتفضلي اتكلمي، كلي آذان صاغية.

يمنى: أنا آسفة على أسلوبي معاك آخر مرة. أنا كنت مش حاسة بنفسي، بس كويس إني صارحتك بمشاعري تجاهك. صحيح جرحتك، بس أرحم من إني أخدعك، وكانت النتيجة واحدة، وهي إننا مش لبعض ونصيبي مش معاك، ولا ايه؟

زين: صح، كلامك كله صح. وأنا قلت لعمتي الغلط مش غلطك، كانوا يقدروا يصارحوني من أول مرة طلبتك فيها. هما خافوا على زعلي ومقدروش، إني استحاله أتجوزك غصب عنك. ويتنهد: الحمد لله حصل خير وكل حاجة انكشفت وارتاح الكل.

يمنى: أنا سعيدة أوووي لتفهمك ليا، وهستناك تجي تخدني للفرح بكره في عربيتك، ماشي؟

زين: مش مستاهله عربية بس حاضر، من عيني هجي أخدك.

ويتصالحوا ويحاول زين يكسب حبها بطريقة الصداقة الأول.

وفي ليلة الزفاف يروح ياخدها هي وعمته، والدار تفضي ويقفلوها وراهم لأن عمه سبقه على القاعة مع أولاده.

ويوصلوا القاعة في وقت وصول العروسة، وكانت ليلة ولا ألف ليلة، ويتم فتح البوفيه ويعمل زين طبق ليمني وطبق لعمته.

يمنى: لا لا، ايه كل اللحوم دي؟ كفاية قطعة ستيك وكوباية عصير برتقال لو ينفع.

زين: ولو مينفعش ينفع علشان خاطرك. ويطلب من أخوه يطلب من عامل البوفيه يجهز كوباية عصير برتقال، ويستأذنها ويروح لعمه يقف جمبه يستقبل المهنئين معه.

حمزة: اتفضلي يا جميل، عصير برتقال فريش للحلوين.

يمنى: ايه أسلوبك السوقي ده؟ احترم إني أكبر منك، وبلاش تكلمني بالطريقة دي تاني. وشكرًا على العصير.

حمزة بغضب: أنا ابن خالك يا آنسه، مش واحد جاي أشحت منك. ولو بهزر معاكي لأني بعتبرك زي أختي. اتفضلي، أنا غلطان إني جبتلك حاجة. لولا زين اللي طلبه مني ولا كنت عبرتك.

عنايات: ليه كده يا بنتي زعلتيه؟ ده دمه زي العسل وبيهزر معاكي. نفسي أعرف انتي ليه كارها ولاد خالك محمود، زين وحمزة. قوليلي سبب واحد بتعامليهم بتعالي وغرور ليه؟

يمنى: معرفش، يمكن بسبب مالهم. مش عايزه أهرب من إحساس إنهم أصحاب فضل عليا ويبعدو عني بمالهم.

عنايات: لا انتي مجنونة. حمزة مايملكش ولا مليم واحد، لولا أخوها كان اتشرد. وكمان زين مش كده، وعمره ما بيحسس حد بفضله عليه. ياريت تشوفيه صح وتحسي بقلبه الكبير، وعقدتك منها دي تنفك قبل ما تخسريه يا بنتي.

يمنى: يوه يا ماما، تاني هنتكلم في الموضوع ده؟ أنا عملت اللي طلبتوه مني وصالحته واعتذرت ليه، خلاص بقى خلصنا. أنا اتخنقت وحاسة بصداع رهيب. تعالي نروح.

عنايات: أنا عمة العروسة مينفعش أمشي. قبل الزفة خلي حد من العفر يروحك، أو قولي لزين يوصلك للبيت.

يمنى: لا، أنا هروح لوحدي، هروح أنام وهجهز الشنط نسافر بكره زي ما اتفقنا ماشي.

عنايات: ماشي.

وتقوم يمني من على ترابيزتها ويشوفها زين.

زين: رايحة على فين؟ الفرح لسه مخلصش.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى