
يمنى تمسك دماغها: معلش، عندي صداع شديد مش متحملاه. هروح آخد شاور وأنام يمكن يروح الألم.
زين: استني أشوفلك برشامة للصداع أو أجي معاكي أوصلك.
يمنى: لا، خليك علشان معازيمكم. أنا هتمشي في الهوا وهرتاح.
زين: طيب خلي بالك من نفسك، وخدي مفتاح الدار. ويشوفها خارجه لوحدها بكل غرور يقول في سره: عنادك ملهوش حل، بس هسيبك على راحتك يا يمني.
يمنى تخرج من القاعة وتتمشي والصداع بيزيد وتحس بدوخة بسبب الألم وتتسند على باب بيت، ويسندها حمزة.
حمزة: أبية طلب مني أوصلك. تعالي اركبي.
يمنى بضيق: لا مش هركب معاك، انت طايش ومجنون. اتفضل ارجع لأخوك، أنا عارفه السكة كويس.
حمزة: أوف، براحتك. انتي فظيعة، معرفش زين بيحبك على ايه.
يمنى تكمل طريقها والصداع يزيد كالمطارق بتضرب راسها وتحس بدوار عنيف من قوة الألم، وتشوف البيت بعيد أوي، وتلمح بطرف عينها الغفير اللي واقف على دوار العمدة بيبصلها بطريقة مستفزة، وتلمح عربية زين وراها وفيه حمزة، وتحاول تستنجد بحمزة يجي يوصلها لأنها مش قادرة تكمل.
وبعد أكتر من ساعتين ياخد زين عمته وعمه يوصلهم للدار بعد ما اتزفت خلود لعريسها، ويقرب من البيت ويشوف عربية بتجري مسرعة من أمام البيت يستغرب.
زين باستغراب: عربية مين دي؟ ويبص لعمه: هو في ضيوف عندك يا عمي عندهم عربية؟
وفيق: لا يا ابني، يمكن حد كان بيسأل عن الفرح.
زين: بس مفيش حد بالدار غير يمني، أنا قافل الدار بنفسي، ولما يمني أصرت تروح اديتها المفتاح.
عنايات: قلقتني يا زين، ويمني أصلًا كانت مصدعه وتعبانه.
ويوصلوا للبيت وتنزل عنايات وعمه.
زين: بعد إذنك يا عمي، ممكن أدخل أطمن على يمني وبعدها هروح.
وفيق: عيب يا ابني تستأذن تدخل دارك. روح اركن العربية واحصلني.
ويدخل الدار ورا أخته اللي تطلع جري تطمن على بنتها، وتشوفها نايمه بسريرها ومتغطيه وشعرها متبهدل بطريقة غريبة، تروح تصحيها وتسألها عن حالها.
عنايات: يمني، يمني حبيبتي، عاملة ايه؟
يمنى تفتح عيونها بصعوبة وتتلمس جسمها وتتألم: آه يا ماما، جسمي كله بيوجعني أووي.
وتنتبه: أنا جيت هنا ازاي؟ وتنفض وتقوم من على السرير، وأمها تشوف قميصها والدم اللي عليه وتصرخ!
يتبع
من الفاعل؟
البارت الثالث
بعد انتهاء حفل زفاف خلود ياخد زين عمه وعمته لإيصالهم للدار وللاطمئنان على يمني بعد ما رفضت أن تظل معاهم حتى انتهاء الزفاف لإحساسها بصداع عنيف.
ويستأذن زين من عمه أنه يدخل يطمن على يمني قبل ما يروح، وهو في طريقه للدار يشوف عربية مسرعة بطريقهم ويسأل عمه لو كان ليه ضيف عنده عربية وجه ياخده ويروح بعد انتهاء الزفاف، لكنه عمه أكد إنه مفيش ضيوف غيرهم عندهم عربيات من بره البلد. زين يسأل نفسه: معقول يمني طلبت من حد يجي ياخدها؟ ولا يمكن رجعت لحد أديته ميعاد هنا لعلمها إن محدش موجود بالدار والكل بالفرح؟
ويوصلوا للدار، تنزل عمته من العربية وتدخل الدار وتطلع تجري تطمن على بنتها، وعمه يطلب من زين يركن العربية ويحصلهم. وتفتح عنايات الأوضة على بنتها تشوفها نايمه بسريرها ومتغطيه، تروح تطبطب عليها وتصحيها تطمن عليها.
عنايات: يمني حبيبتي، طمنيني، الصداع راح ولا لسه تعبانه؟
يمنى تفتح عينها بالعافية: ماما، احنا فين؟ وتنتبه إنها في الدار، تقوم تنتفض من على السرير لتصرخ أمها من الدم اللي على قميصها وعلى السرير وجسمها اللي كله علامات حمرا وخدوش.
عنايات: يا فضيحتك يا عنايات، ليه كده يا يمني؟ توطي راس أبوكي في الأرض وتمرمغي سمعتنا في الوحل.
ليفتح خالها وفيق الباب ويشوف منظرها ويتصدم.
وفيق: آه يا فاجرة! لوثتي داري. علشان كده رجعتي من الفرح؟ جيتي تقابلي عشيقك هنا وتضيعي شرفنا معاه كده؟ فهمت، يبقي هو صاحب العربية، ولما حس بينا هرب الجبان. بس أنا هقتلك وهقتله وأغسل عارك.
وينزل جري يجيب مسدسه ويطلع ليها، ويشوفه زين وهو داخل من الدار وهو طالع يجري لفوق، يطلع وراه جري يشوف حصل ايه.
وفيق: انطقي قبل ما أخلص عليكي. مين عشيقك يا فاجرة؟
يمنى تستخبي ورا أمها، وأمها بتلطم على وشها وراسها بالأرض مش قادرة ترفع عينها في أخوها.
ساعة ولا ساعتين: انطقي مين اللي كان هنا وهرب بعربيته لما حس برجوعنا؟ أكيد حبيبك كريم اللي بتحبيه وعايزه تتجوزيه. طلبتي يجيلك هنا وانتي تتحججي بالصداع وتقابليه لوحدكم. بتحسبي بتفريطك في شرفك هنجوزك ليه؟ أو هو هيقبل يتجوزك بعدها؟ ألف خسارة يا يمني، رخصتينا ورخصتي نفسك.
يمنى: لا والله مش كريم، هو جه هيجي هنا ازاي؟ ده ميعرفش إني سافرت أصلًا. بس أنا معرفش طلعت هنا ازاي، كل اللي فاكراه إني فتحت الباب وقفلته وقعت وراه. معرفش طلعت هنا ازاي أو مين عمل كده فيا، أنا مظلومة.
وفيق: بعد ما مرمطتي شرفنا في الطين، ملكيش غير التراب يتاوي جتتك والدم يغسل عارك. سامحيني يا عنايات يا اختي، أنا زفيت بنتي لعريسها لكن هزف بنتك للقبر.
ويرفع مسدسه في وشها ويقف زين قدامه ويبصله بغضب.
زين: هتقتلها قبل ما نعرف مين عمل كده ونتأكد الأول؟ يمكن ده نزيف بسبب الصداع وهي بخير. ثم دي بتتهم اخويا.
وفيق: انت مش عايز تفهم ولا مش مصدق؟ مش شايف شكلها والخدوش اللي ماليه ذراعها والكدمات اللي على جسمها وشعرها اللي اتفرد على كتف راجل؟ والله لتكون آخر ليلة ليها بالدنيا. وسع يا زين سيبني أغسل عارها قبل ما فضيحتنا تبقي على كل لسان.
زين: لا يا عمي، يمني تخصني، وأنا مش هعاقبها على حاجة غير لما أتأكد. ادخلي استري نفسك وخدي شاور واجهزي، هننزل مصر دلوقتي نروح أي مستشفى نكشف عليكي.
وفيق: انت اتجننت يا زين؟ حبك ليها عماك للدرجة دي؟ بنت عمتك خاطية، وكل الشواهد بتقول إنها مبقاتش طاهرة، سواء برضاها أو غصب عنها. مفيش غير الموت يغسل عارها وينقذنا من الفضيحة. ويصوب مسدسه ليها مرة تانية.
زين يشوف تصميم عمه على قتلها، يمد إيده ينزل إيد عمه: إيدك يا عمي، أنا اللي عملتها وهصلح غلطتي وهتجوزها.
يمنى: آه يا مجرم! وتمسكه من بدلته وتقعد تضرب في صدره بغل: انت ازاي تعمل فيا كده؟ أنا بكرهك. كل ده علشان تتجوزني؟ هو بالغصب؟ أنا الموت عندي أهون عليا من إني أبقي مراتك.
وفيق: انتي اتجننتي؟ وايه اللي بتقوله ده يا زين؟ اسمعي يا بت عنايات، زين طول الفرح معايا، لا فرقني لا هو ولا أخوه. شوفي حد تاني يشيل شيلتك وعارك غيرنا. وانت يا زين، مش دي اللي تبقي عليها وتشيل عارها.
زين: لا يا عمي، دي بنت عمتي وأنا عايزها، ولو كانت أولى بيها مش ذنبها. روحي البسي يا يمني، ولما نتأكد هنشوف هنعمل ايه بعدها. ولو على سترك، أنا أتمنى تشيلي اسمي، لأني واثق إنك طاهره واللي حصل مش ذنبك.
عنايات تحضن زين: الله يسترك دنيا وآخره ولا يفضحك. وتاخد بنتها وتدخل بيها الحمام ودموعها لا تتوقف.
وفيق: ليه كده يا زين؟ تقبل تشيل شيلة مش شيلتك وعار مش عارك. انت ألف مين تتمناك؟ لا توصم نفسك بيها.




