سندت رأسها على قزاز العربية وسرحت. حياتها انتهت خلاص، الكل بقى عاوز يتحكم بيها، أما هي استسلمت، استسلمت خلاص.
أما هو، مبصش ناحيتها أبدًا، تجاهل وجودها وكأنها مش معاه. فضل مكمل بالطريق وهو يجرجرها زي أي حاجة بأيده. وقفت لما سمعت صوت عمها بالنسبة ليها.
لحد ما سمع همسها: لو سمحت.
مردش عليها، تجاهل صوتها كأنها منطقتش. لحد ما سمع همسها تاني وتالت وصوت شهقاتها العالي: لو سمحت، أنا بكلمك.
وقف العربية بضيق وبص ناحيتها بجدية: عايزة إيه؟
زينب وهي بتمسح دموعها بكمها وصوتها بيخرج بصعوبة بسبب العياط: عاوزة، عاوزة أزور قبر بابا، أرجوك، لو مرة واحدة بس، أرجوك.
غمض عنيه وهو بيردد بضيق: استغفر الله العظيم، أنا لسه هتحمل الزن ده.
زينب: أرجوك، مرة واحدة، هما، هما ماسبونيش أودعه أبدًا، والله هو وحشني أوووي.
طيب، قال كده وشغل العربية، وصلها المقابر ونزلت بعد ما شورلها على قبر باباها، وبعد عنها شوية عشان تاخد راحتها. شافها رمت نفسها على القبر، سمع صوت بكائها المرير، دموعها، ندمها، قهرتها، عتابها. بالرغم إنه بعيد، لكن كل ده وصله وسمعه. كانت مش عارفة بتقول إيه، كلامها متلخبط زي روحها وحياتها.
دلوقتي، ومشي ناحيتها، سمعت صوته لما كانت حاضنة قبر باباها: مش كفاية، يلا بينا.
زينب بخوف: انت هتعمل معايا إيه؟
رعد: مش وقت أسألة، يلا، الوقت اتأخر.
زينب: مش عايزة أسيب البلد، أنا عاوزة أفضل جنب بابا، أرجوك.
تأفف بضيق وهو بيشدها من فوق القبر: بلاش لعب العيال ده والدلع، عشان أنا ماليش في الدلع الزايد. قلتهالك قبل كده، تسمعي الكلام من سكات.
قال كده وهو بيشدها وفتح باب العربية ودخلها.
سكتت معرفتش تنطق بكلمة، لكن صوت عياطها زعجه. ولما اتعصب خلاص وقف العربية: هتفضلي كده كتير؟ صدعتي أمي، كفاية.
شهقاتها زادت لكنها فجأة سكتت لما سمعت زعيقه: قلتلك كفاية، إيه مبتفهميش؟ مش عايز أسمع صوتك، نفسك مش عايز أسمعه.
كتمت بقها بأيدها وهي بتكتم عياطها.
أما هو كمل طريقه لحد ما وصل وحدة من الشقق بتاعته.
بص ناحيتها، كانت نايمة ودموعها ناشفة على خدها.
تأفف بضيق، قرب منها حاول يفوقها، مكنتش بترد عليه. دراعه، وهو استسلم لحركتها دي لما حطت راسها على دراعه وكملت نومها ببراءة مش عادية. لأول مرة يشوفها عن قرب كده، حجابها اللي كان مش متظبط كويس.
يتبع الفصل الرابع
قرب حطها على السرير وهو حاسس بنفسه مش على بعضه، صدره بدأ يطلع وينزل، مش عارف يسيطر على الشعور اللي هو حاسه.
خرج برا الأوضة وقفلها بسرعة، طلع وقف قدام الشرفة، مسح شعره وهو بيفتح بين إيديها. وكان يعرف يعمل اللي هو عايزه، ما هي أصلًا مراته، لكن لا، لا، مش هيعمل كده. نهر نفسه ولامها كتير. طلع فونه واتصل بمساعده.
الصبح
صحيت زينب، مكنش حد بالاوضة، هي بس لوحدها.
بصت حواليها بتوهان، مش عارفة هي فين ولا إيه اللي جابها هنا.
وقفت وطلعت بتتسحب بخوف، وقفت بخضة لما سمعت صوت من وراها.
الشغالة: زينب هانم.
زينب ببراءة: هااا، انتي مين؟
الشغالة: أنا هنا عشان أساعدك وأشوف طلباتك.
زينب: طيب هو، هو أنا فين؟
الشغالة: تقصدي مين يا هانم؟
زينب براحة: هاا، لا خلاص.
الشغالة: أحضرلك الأكل؟
زينب هزت راسها بخجل.
الشغالة: ثواني وهحضرلك الأكل.
مر أسبوع ورعد مظهرش أبدًا، كان مشغول بالشركة بتاعته. لحد ما اتصلت عليه الشغالة وبلغته إن زينب اتخانقت معاها لما رفضت تسببها تخرج وخرجت من البيت.
اتجنن وساب الاجتماع وخرج يدور عليها بعد ما بلغ رجاله يدوروا عليها بكل مكان ممكن تروحله.
خطر على فكره إنه يروح شقة باباها القديمة، وفعلًا لما وصل وخبط سمع همسها من جوى بخوف: مين؟
غمض عنيه بغيظ وقال وهو بيخبط كفه على الباب بقوة رعبتها: افتحي، الزفت.
زينب: انت عايز مني إيه؟
رعد بغضب: افتحي، الزفت، عشان هتتحسبي على اللي عملتيه.
زينب فتحت بخوف من نبرته وبعدت بسرعة وقالت: أنا معملتش حاجة والله.
أول ما فتحته زقها وقفل الباب.
رعد بغضب: والله معملتش حاجة؟ خارجة من بيتك من غير إذن، وأنا إيه يا ستي هانم؟ أنا إيه؟
زينب بخوف: أنا ك…
انتي إيه؟ قلتلك دلعك زمان تنسيه، وإنك تمشي من كيفك تنسي. انتي دلوقتي مراتي، وهتتحسبي على كل خطوة تخطيها من غير إذن.
الفصل الخامس
على فين؟ قالها وهو بيشدها من دراعها جامد.
زينب بوجع وخوف: أنا معملتش حاجة والله، كككنت، كنت عايزة أفضل هنا بشقة بابا.
رعد بحدة: بابا؟ بابا مين؟ أبوك مات خلاص، والشقة دي وجودك فيها خطر، انتي فاهمة والا لأ؟
زينب بدموع: بس أنا عايزة أفضل هنا.
رعد ببرود: مش مهم، مش مهم انتي عايزة إيه، انت سامعة؟ المهم أنا عاوز إيه. قلتهالك قبل كده.
ردت بصوت مخنوق وقوي: أنا متربية أحسن تربية، متغلطش فيا.
رعد بسخرية جرحتها: آه، متربية؟
زينب: أنا مش بسمحلك تغلط…
شهقت بألم لما شدها من دراعها بقوة.
همس: انتي مين انتي عشان تسمحيلي؟ انت هتنسي نفسك يا بنت.
زينب بدموع: سيبني، كفاية بقى، حرام عليك.
رعد: هسيبك، ماشي، هسيبك، بس لما تتربي الأول، لما تتعلمي الصح من الغلط، بعد كده هبقى أفكر أسيبك. إنما وانت على حالك ده هتفضلي بسجني لحد آخر يوم في عمرك.
زينب: بكرهك، أنا بكرهك.
