روايات وقصص

نور واسد2

مختار بغيظ قالها: حااااضر هاجي معاكي!
نور بصت لعمها ماهر وقالت: مااااهر!
ماهر وهو هيفرقع قالها: خيييير!
نور قالت: بما إنك مهندس أنا عاملة تصميم لمطبخ جديد بس لسه ما خلصتاريت تشوفه وتخلص المطلوب علشان هيتسلم بكرا.
ماهر بغضب قال: طييييب!
نور بصت لجدها وقالت: وإنت يا كبير؟
الجد: خير يا آخرة صبري.
نور قالتله: الفيزا بتاعتي خلصت يا ريت تحطلي فلوس كتير علشان عاوزة أشتري حلويات وشيبسي للخطوبة.
الجد ابتسم وقالها: من عيوني!
نور بصت ليلي وقالتلها: ليلي.
ليلي بأرف قالتلها: إيييه؟
نور قالتلها: عندي هدوم كتير عاوزة تتغسل أرجع من الكلية ألاقيها مغسولة ومكوية وإلا إنتي عارفة أنا هعمل إيه في قصة صواني البسبوسة!
ليلي من تحت ضرسها قالت: ماشي يا سيدي.
نور بصت لأمل وقالت: أمل.
أمل بخوف قالت: نعم.
نور قالتلها: الأوضة عندي مش عاجباني غيري الفرش كله والستائر عوزاها تلمع وبتبرق كدا وع الله متعمليش!
أمل: حاضر.
نور بصت لجدتها وقالت: وإنتي يا ست سعاد هانم؟
جدتها بصلتها ومردتش.
نور قالتلها: عوزاكي تخلي بالك منهم إنتي عيني هنا أي حاجة قلتها متنفذتش تعرفيني وإلا أقولهم إني شوفتك وأنتي بتخبي طبق الحلويات تحت الترابيزة بتاعت السفرة!
جدتها: حسبي الله ونعم الوكيل فيكي!
نور: كمان بتدعي عليا؟! طيب أنا بقا لازم أقولهم على سرك…
أسد راح شدها من إيدها وجري على برا قبل ما تكمل.
نور: بتشدني ليه سيبني عليهم أنا لازم أربيهم العيلة دي!
أسد: إتهدي بقا يخربيتك ذليتي الناس في البيت كله!
حمزه قال: أسد خدني معاك عربيتي عطلانة وخليني أهرب معاك.
أسد بصله وبص لنور وقاله: إنت عاوز تجي معانا؟
حمزه فهمه وقال: مضطر أعمل إيه يعني خالد رايح شغل برا المصنع وأنا هفطس هنا.
أسد: إركب إركب!

وبعد شوية…
نور قالت: مين فيكم هيشيلني يدخلني الجامعة علشان زهقانة ومش قادمة أمشي؟
حمزه: نعم يا ختي!
نور بتعلي صوتك عليا؟! طيب.. (وبعدين قالت): فاكر لما أكلت الشوكولاتة في الخفاء؟
حمزه: أبوس إيدك كفاية فضايح!
أسد: يلا يا نور أنزلي وصلني.
نور: قلت مش قادمة أنزل، هو اللي يعيش مع عيلتكم ويتحرق دمه يقدر يمشي بعد كدا؟!
حمزه: يا عم أنزل شيلها وخلصنا من ذل العبيد اللي هي عمالة تعمله فينا دا أعوذ بالله!
أسد بخبث نزل من العربية وراح فتحلها الباب ومال عليها.
نور: إيييه إيييه يا أستاذ إنت؟!
أسد: هشيلك يا حبيبتي للجامعة.
نور: لا أنا خلاص رجعت في كلامي خليها للبيت! (ونزلت تجري).
أسد ابتسم لها وقالها: خلي بالك على نفسك.
نور أومأت بعيونها ومشيت وهي بتضحك.

وبعد انتهاء اليوم الدراسي رجعت البيت وأول ما دخلت صوتت وقالت: يا لهووووووي الحقني يا معتز يا جوهري الحقني يا كبير تعالوا كلكوا تعالوا شوفوا يا مصيبتييييي!
الجد: في إيه يا بنت المجانين؟
نور قالت: مراتك الست سعاد هانم قاعدة وسايبة مراتات عيالها قاعدين بيلعبوا تليفونات، أومال لو مكنتش منبهة عليها قبل ما أمش كانت عملت إيه في المطبخ؟!
(وبصت يمين وشمال وقالت): حد يجبلي طبق كبيير؟
خالد: ليه يا ختي؟
نور: علشان أحط فيه كيكة وأخليها تقول تسلم إيديها علشان تاني مرة تنساش تعملي سناك معها!
أسد: منك لله نفسي مرة أدافع عنك!
نور: طب والله ما أنا قاعدة معاكم أنا أصلا خسارة في عيلتكم! (وطلعت أوضتها).
أسد: والله لو ولعتوا في البيت أنا ما هتكلم! (الكل ضحك).

وبعد مرور شهر:
حمزه راح أوضة أسد وقاله: أنا هنام معاك النهارده علشان تكييف الأوضة عندي مش شغال.
أسد: أعوذ بالله ملقتش إلا إنت تنام جنبي؟!
حمزه قاله: متسكت بدل ما تجي عالسيرة وتعملنا مولد مع نور!
أسد: ههههه.
وبعدين أخد جنب من السرير وناموا هما الاتنين.
وأشرقت الشمس بنور ربها…
نور صحيت وجهزت وراحت عند أسد خبطت مرة وفتحت علطول، وبس دخلت شهقت لما شافت أسد وحمزه نايمين والبطانية مغطياهم وراحت مصوتة وقايلة: يا لهووووووووي يا خرابببببببي يا حظك الهباب يا نوووور يا مصيبتيييييي!
أسد وحمزه قاموا مفزوعين.
أسد: في إيه الله يحرقك عالصبح؟!
حمزه بص عليهم وفهم تفكيرها قال: يا فضيحتنيييي!
نور: يا فضيحتك هو إنت لسه شوفت حاجة؟! يلا يا شطار يا معفنين إنتوا نايمين وماسكين بطانية واحدة!
(وبصوت عالي قالت): الحقونا يا كبار! تعالي يا مختار الحق ابنك! تعالي يا ماهر شوف المحروص الغالي! آآه يا فضيحتني ياني أنا مستحيل أفضل على ذمتك دقيقة واحدة، وكمان ياسمين لازم تطلقها أنا لا يمكن أخبّي عليها سر قعدة الصباح دي!
حمزه: لا أبوس إيدك بلاش ياسمين استري علينا إحنا أخوات!
نور بصتله بأرف وقالت: إياك تقول أخوات دي تاني أنا بأرف منكم ومستحيل أخلبكم هنا ثانية واحدة!
الجد: للدرجة دي؟!
نور: أيوا يا جدو دول كانوا نايمين ببطانية واحدة!
أسد نزل راح حاطط إيده على بوقها بلطف وشدها بالايد التانية عالسلم وقالها: إنتي حلالك قطع لسانك يا مجنونة!
نور بتحاول تزقه عنها وتقوله: سيبني سيبني علشان أفضح سر البطانية!
أسد بيجر فيها عالسلم بالعافية.
ياسمين بصت لحمزه بحزن من بعيد.
حمزه وقف جنبها وقال: قسما عظما ظلماني!
ياسمين: ظلماني؟!
حمزه: وإنتي يعني مش عارفاها المفترية دي؟!
نور فوق في أوضة أسد: أوعى أبعد عني وإياك تلمسني تاني!
أسد كور إيده وقالها: جنان مش عاوز فوقي بقا وأكتمي شوية!
نور: كمان ليك عين؟!
أسد: نوووور!
نور شوحت بايديها وقالت: بلا نور بلا زفت!
حمزه فتح عليهم الباب وهو طبعا سامعهم، ودخل وقال: ع الله تروحي اتبسطتي يا ست هانم بوظتي السمعة!
نور: عاوز إيه إنت كمان؟
أسد قاله: إ اللي حصل؟
حمزه: أختك زعلت وخاصمتني وفكراني سرقت البطانية لوحدي!
نور: أحسن والله تستاهل!
حمزه راح عليها وكله غيظ وقالها: قسما عظما أقول لأسد يخف عنك الشوكولاتة!
نور: هددني بحاجة تانية يا عيا! (وبصت لأسد وقالت): عجبك إنه يكلمني كدا قدامك؟ أومال لو من وراك هيعمل فيا إيه؟! (وعملت زعلانية).
خالد واقف عالباب وشايفهم.
أسد بص لحمزه وقاله: عارف لو كلمتها كدا تاني موتك على إيدي! (ومسك نور من إيدها وباسها وقالها): حقك عليا يا روحي.
حمزه: نعم بعد دا كله وكمان بتتأسفلها وهي الفاضحة؟!
أسد بصلها بحب وقالها: قلبي ونور عيني تعمل اللي هي عوزاها وأياك حد يفكر بس يزعلها! (وحضنها بخفة).
خالد دخل وقال: دلعك زاد قوي لنور يا حضرة الظابط وهتخليها تفرسنا كلنا.
أسد ومالو يلا أعيش يا حبيبي وأدلعها براحتي! (وبصلهم الاتنين وقال): يلا من هنا غورو! (وطردهم وقفل الباب).
حمزه: إيوا يا خويا هيص إنت وأحنا نولع منك لله يا نور!
أسد: نوري حبيبتي لسه زعلانية؟
نور مردتش عليه بهزار.
أسد بخبث مال عليها وقال: لااا دا قلبي مقموص بجد وأنا ميرضنيّش! (وابتسم وقال): حبيبي معايا وفي أوضتي! (وقرب منها).
نور: هتععمل إيه يا حظ الظابط أبعد عني!
أسد: أبعد عنك؟ دا أنا مصدقت! وبخبث قال: دا أنا كمان بسبب حالتي اللي إنتي وصلتيّني ليها بسبب جنانك لازم أعاقبك!
نور فهمته وقالت: أنا كنت عارفة إنك قليل الأدب وعاوز تاكل الشوكولاتة لوحدك! (والتفتت للباب).
أسد مسكها من إيدها وقال: على فين يا قمري؟ إنتي اللي جيتي برجلیکی وأنا مستني دا من زمان! وبص في عيونها وقرب منها وهمس جنب ودنها وقال: معتش قادر!
وقبل ما تستوعب كلامه ضحكوا مع بعض وانتهت اللحظة بضحكات ومرح.

تحت في المطبخ:
ياسمين زعلانية وبتفكر.
أمل قالت لها: يا حبيبتي ما إنتي عارفة نور وهزارها المقالب دي.
ياسمين: لا يا مرات عمي المرة دي نور زودتها بالبطانية.
حمزه دخل ورد عليها وقالها: يعني إنتي مصدقاها بجد؟!
ياسمين بصلته وزعلت ومردتش.
حمزه بزعل قالها: ماشي يا ياسمين خلي نور تنفعك! (ومشي).
ياسمين عيطت بضحك.

عند أسد ونور:
نور بصوت ضعيف وبحة ضحك قالت: أسد كفاية بقا هنتأخر على الجامعة والناس تقلق.
أسد بابتسامة ودقات قلب من عشـقه لها قالها: حبيبي معايا وبين إيديا وتقولي كفاية؟! دا أنا لسه عاوز أعاقبك على مقلب البطانية.
نور (باستعباط قالت): مقلب إيه هو أنا عملت حاجة؟
أسد: أمم تعالي وأنا أقولك! (وشدها عليه).
نور: بس يا قليل الأدب! (وقامت من جنبه بهزار).
أسد: ههههههه.
وبعدين قالها: مش هتبطلي جنانك دا بقا ياسمين بجد زعلت من حكاية الصبح.
نور: ههههههه ما أنتتوا اللي بتعملوا مواقف تخلي الواحد يتخيل!
أسد: يا بنتي نايمين عادي.
نور: عادي إني أدخل على جوزي ألاقي مسرحية كوميدية؟!
أسد: بت إنتي إظبطي أحسنلك أنا سكتلك بمزاجي!
نور: ولا تقدر تعمل حاجة وإنت ككلك معاصي وذنوب بسبب كيد العساكر!
أسد: نهار أبوكي أزرق!
نور جرت على تحت وراحت المطبخ وقالت: صباح الخير.
ليلي وأمل: صباح النور.
نور بمرح قالت: إيه دا أنا قلت صباح الخير إزاي دا؟! وبعدين قالتلهم: فين جوزك يا ولية إنت وهي؟
ليلي ابتسمت وقالت: للأسف مشي بس عادي إنتي مفضتيش حد النهارده!
نور: يا دي الخسارة! إزاي فلتوا مني أنا لازم أصصح بدري شوية عن كدا، فكريني يا أمل أظبط المنبه على الساعة خمسة الفجر عشان أقفشكم تاني!
ليلي وأمل: هههههههه أعوذ بالله منك يا شيخة!

نور راحت على ياسمين وحطت إيدها على كتفها وقالت: مالك يا بت يا سمسم زعلانية ليه؟
ياسمين بصلتها وزعلانية ومردتش.
نور: أممم للدرجة دي زعلتي عشان العبيط حمزه؟!
ياسمين: يعني إنتي مش بتحبي أسد؟
أسد كان واقف على باب المطبخ بس هي مش شايفاه.
نور: طبعا بحبه وبموت فيه ودا الفرق بينا وبينكم.
ياسمين بصلتها باستغراب.
نور قالت لها: أفهمك أسمعي يا قمر، اللي بيحب بجد لازم يكون عنده ثقة في حبيبه ولازم يوجّدله أعذار ويسمع حبيبه الأول قبل ما يحكم عليه، أي نعم أحيانا الغيرة بيكون لها دور بس لازم نتحكم في نفسنا أكتر علشان ما نخسرش حبايبنا عشان مقلب.
ياسمين: يعني لو واحدة جت تقولك أسد بيخونك مع بطانية هتعملي إيه؟
نور: طبعا هزعل لأن الكلمة مصيبة، لكن هقوم بجناني وأروح أواجهه، ولو كان مظلوم خلاص لكن لو مش مظلوم وقتها بهد الدنيا على دماغه ودماغ اللي خلفوه! دا حقي ودي كرامتي واللي يقف في وشي ساعتها بنسفه، بس أهم حاجه يكون معايا حق مش مجرد هزار! فهمتيني يا قمر؟
ياسمين ابتسمت وحضنتها.
أسد دخل وقال: صباح الخير يا عرسان.
أمه: يا صباح النور عالقمر!
نور عوجت بوقها وقالت: طبعا القرد في عين أمه!
أسد مسكها من قفاها وقال: هو مين دا اللي قرد يا بت؟!
نور رفعت دماغها له وقالت: هو في قرد بعيون عسلي كدا يا خلاصة عالقمر؟ متجيبي بوسة.. قصدي هاتي كيكة يا قمر!
ليلي وأمل وياسمين: هههههه هههههههه.
أسد ابتسم وقالها: من عيوني! (ومال عليها بهزار).
نور: عاااااااه الحقني يا جدوووو! (وجرت).
أسد بهزار قالهم: متزعلوش يا جماعة أنا عارف إن جنان البيت دا على إيد مراتي فتوقعوا منها أي حاجة بعد كدا.

نور: صباا… وبعدين سكتت وقالت: بتعملوا إيه إنتوا الاتنين تاني في الخفاء؟
الجّد قام بالعصاية بتاعتها وقالها: إياك أسمع نفسك في البيت بعد كدا إنتي فاهمة؟!
نور راحت وحضنته ومالت بدماغها عليه وقالت: وتهون عليك يا معتز؟! أكتّم نفسي وأموت وأنا أصلا يتيمة مليش حد! (وبطريقة درامية قالت): يا عيني عليكي يا نور اللي ما أنتي منصوفة من حد أبدا حتى جدك حبيبك اللي كنتي بتقولي مليش غيرو في الدنيا هو سندي وضهري عاوز يضربني بالعصاية عااااا!
جدتها شدتها عليها وحضنتها وقالت: معاش ولا كان اللي يزعلك يا قلبي دا إنتي الغالية يا نور عيني، وأوعى يا بت أسمعك تقولي إنك يتيمة دي تاني طول ما أنا عايشة! (وطبطبت عليها بحنان).
نور وهي في حضنها قالت: يا حبيبتي يا تيتا أنا عارفة إنك مليش حد غيرك في البيت دا! (وبدين رفعت وشها وهي في حضنها لسه وقالت): إلا هو إنتوا كنتم بتعملوا إيه يا حجة على الصبح؟
جدتها ضربتها على كتفها وقالت: قومي يا بنت الكلب من هنا وإياك تتكلمي معايا في السن دا تاني!
نور شوحت بايديها وقالت: هو إيه أصله دا؟ الكل بيطردني!
أسد ههههههه (وبعدين قالها): مبتستريش أبداً عمايلك!
نور قالت: إنتوا اللي ميطمرش فيكم حاجة عيلة تغم من غير أكل!
الجد ضحك وبعدين قالها: هتروحي الكلية؟
نور بصت لياسمين وقالت: لا هقعد مع ياسو النهارده عشان نصالح حمزه على طبق بسبوسة!
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى