مرات أبويا رمشت كذا مرة.
مش فاهمة هو رايح لفين.
راشد بصلي.
وقال:
“أنا جيت أسألها إذا كانت تقبل تتجوزني.”
الإبرة وقعت من إيدي.
ولا حد اتكلم.
داليا فتحت بوقها من الصدمة.
وبعدين ضحكت ضحكة قصيرة، كأنها فاكرة إنه بيهزر.
لكن لما شافت وشه…
ضحكتها اختفت.
أبويا مسك ظهر الكرسي بإيده.
وقال:
“سلمى؟”
راشد أخد خطوة ناحيتي.
وقال:
“أنا سمعت الناس بتقول عنك إيه.”
وشي سخن من الإحراج.
بس هو كمل قبل ما أهرب بعيني.
“وسألت عنك.”
اتصدمت.
“سألت مين؟”
قال:
“سألت صاحب الصيدلية عن جوزك.”
سكت لحظة.
“قالي إنك دفعتي جزء كبير من حساب علاجه حتى بعد ما أهله رفضوا يتحملوا المصاريف.”
قلبي دق بسرعة.
وكمل:
“وسألت مدرسة الوحدة الصحية عنك، قالتلي إنك كنتي بتعلمي تلات بنات من بنات الغلابة القراءة والكتابة في الصيف.”
بص لأبويا.
“وسألت الراجل اللي بيورد العلف ليكم.”
وبعدين رجع بصلي.
“قالي إنك اكتشفتي غلطة في حسابات أبوكي كانت هتخليه يدفع نفس الفاتورة مرتين.”
مرات أبويا وشها اتشد.
واضح إنها مش مصدقة اللي بتسمعه.
راشد قال بهدوء:
“أنا مش مهتم بكلام الناس.”
سكت لحظة.
“ولا مهتم بإشاعة حد قالها عنك.”
وبعدين مد إيده ناحيتي.
“أنا مهتم بالست اللي أنا شايفها قدامي.”
بصيت لإيده.
وبعدين رفعت عيني له.
صوتي خرج ضعيف:
“ليه أنا؟”
راشد رد من غير تردد:
“عشان بيتي كبير.”
سكت شوية.
وقال:
“وفاضي.”
الكلمة دي وجعتني بطريقة غريبة.
لأني فهمت إنه هو كمان كان عايش لوحده.
وبعدين قال:
“أنا مش عايز واحدة تتزين وتقعد في البيت وخلاص.”
ثبت عينيه في عيني.
“أنا عايز واحدة أقدر أقعد معاها على سفرة واحدة بعد عشر سنين ولسه أحترمها زي النهارده.”
داليا ما استحملتش.
قالت بسخرية:
“هتندم.”
راشد لف ناحيتها.
وقال كلمة واحدة:
“لأ.”
ما علاش صوته.
ما هددهاش.
لكن داليا رجعت خطوة لورا من غير ما تحس.
رجع بصلي.
وقال:
“مش هطلب منك تردي دلوقتي لو محتاجة تفكري.”
بصيت حواليا.
بصيت لمرات أبويا.
وبعدين لأبويا.
وللكرسي اللي قضيت عليه سنتين وأنا بحاول أصغر نفسي، وأخلي وجودي في البيت مايبانش.
وبعدين بصيت لإيده الممدودة قدامي.
ولأول مرة من يوم وفاة حسام…
كان فيه حد بيعرض عليّا حياة جديدة من غير ما يطلب مني أثبت إني أستحقها.
مديت إيدي.
وقلت:
“هروح.”
أبويا رفع راسه بسرعة.
“سلمى…”
وقفت.
وبصيت له.
“أنا قلت هروح.”
راشد ما ابتسمش ابتسامة كبيرة.
بس هز راسه بهدوء.
وقال:
“بكرة الصبح.”
وبعدين وقف عند الباب.
وقبل ما يخرج، بص لمرات أبويا وقال:
“وبالمناسبة يا مدام نوال…”
هي اتوترت.
“أيوه؟”
قال:
“لو سلمى بقت مراتي، الكلمات الجارحة دي مش هتدخل بيتي.”
خرج راشد من البيت.
والباب اتقفل وراه.
فضلنا كلنا واقفين في صمت.
لكن لأول مرة من سنين حصل اللي مكنتش اتوقعة في حياتي…
#انجي_الخطيب
الصمت كان أتقل من الشتا اللي بيمطر بره. نوال واقفة في نص الصالة، وشها محروق من الغيظ، إيديها المتربصين على صدرها اترخوا ببطء وهو بيرتعشوا. داليا رجعت خطوتين لورا، عينيها عمالة تروح وتيجي بيني وبين الباب المقفول كأنها مش مستوعبة إن الفرصة اللي كانت فاكراها هتنزل عليها هي، طارت في ثواني لواحد زي راشد المنشاوي…
أبويا مسح على وشه بكسرة، خطى ناحيتي خطوة ورجله بتترعش:
“يا سلمى… يا بنتي أنتِ بتعملي إيه؟ ده راشد المنشاوي! ده راجل صعيدي ودماغه ناشفة وعنده أراضي وناسه، أنتِ فاكرة الجواز منه سهل؟ أنتِ فاكرة إنه هيسيبك تعيشي في هدوء كدة؟”
رفعت راسي وبصيت له في عينه على طول، لأول مرة من سنتين مبصش في الأرض:
“وأنا مش عايزة هدوء يا بابا… أنا عايزة أعيش ست.”
نوال صرخت بصوت مخنوق وهي بتخبط على فخذها:
“ست إيه يا اختي؟! انتِ فاكرة نفسك مين؟ ده بيكسر مقاديفنا قدام الناس! طالع يفتش وراكي في الصيدلية والوحدة الصحية! فاكرة إن دي شهادة تقدير؟ ده بيشتري واحدة يمسك بيها البيت والحسابات وخلاص!”
ما ردتش عليها. مشيت في هدوء ناحية الكنبة القديمة، لميت الخيط والإبرة، وحطيتهم في الصندوق الخشب الزغير بتاعي. داليا قربت مني، صوتها كان طالع بصوت واطي مليان حقد:
“بكرا لما يزهق منك… هيرميكي مرمية أوسخ من اللي رموهالك عيلة حسام. وقتها مش هتلاقي حتى الكرسي ده تقعدي عليه.”
وقفت قدامها، بصيت لفستانها الأخضر الجديد اللي كانت لابساه عشان تلفت نظره لما يدخل.
“لما ده يحصل يا داليا… هبقى اخترت نصيبي بإيدي، مش بجميلة حد.”
ليلتها، المطر ما وقفش. صب الشتا على السقف الصفيح بتاع أوضتي طول الليل، وأنا قاعدة على السرير الضيق، لافة نفسي في البطانية الثقيلة، عيني مش قادرة تغمض. كلامه كان بيلف في دماغي زي السحر… “عشان بيتي كبير… وفاضي”. هو مش جاي يرحمني، ولا جاي يعمل معايا جميل. هو كمان راجل مكسور من جوا، بس الفرق إنه بيعرف يوقف على رجليه، وأنا كنت مستنية حد ييجي يشيلني.
الصبح بدري، والشمس لسه بتشق الغيم العالي والهوا الساقع بيلدع الوش، سمعت صوت عربية نص نقل ثقيلة وراها صهيد مكنة كبيرة بتوقف قدام باب البيت.
أبويا كان قاعد في الصالة ماسك كوباية الشاي بأيد بتهتز. نوال كانت قاطعة الخلف، واقفه ورا الستارة بتبص.
فتحت باب الأوضة، طالعة ماسكة شنطتي القماش الصغيرة في إيدي. ما كانش عندي غيرها. هدوم بسيطة، ومصحف، وصندوق الخياطة.
الباب اتخبط خبطتين هاديين.
أبويا قام فتح. راشد كان واقف، لابس جلابيته الصوف الكحلي، وشاله الأبيض ملفوف بدقة حولين رقبته. عيونه كانت ثابته، هادية، بس فيها صرامة ما بتتهزش.
بص لأبويا وقال بصوت متزن:
