منوعات

روايه ادم وحياه

في الصباح استيقظ الجميع وجلسوا جميعًا على الإفطار، وكان آدم ينظر لحياة ويبتسم من خجلها الذي أصبح يعشقه.

انتهى مراد من الإفطار وقال:

— يلا يا حياة، هنتأخر.

آدم:

— روح انت يا مراد، أنا هوصل حياة معايا.

فيبتسم مراد وينظر لعاليا ويقترب منها يقبل جبينها ويقول بصوت هامس:

— أخوكى حبها خلاص.

خجلت حياة وأرادت أن ترفض، لكن شئ بداخلها منعها، وبالفعل ذهب وصعدت للسيارة معه.

آدم:

— بعد كده هتروحي وترجعى معايا، متتحركيش خطوة من غيرى، ومفيش كلام مع عاصم أو أي حد تانى غير فى الشغل.

حياة رغم فرحتها بكلام آدم إلا أنها حزنت وتذكرت رنا وقالت:

— طيب لو رنا موجوده هروح مع مراد.

ليلاحظ آدم حزنها فيقول:

— كل حاجه هتتحل يا حياة.

لتصمت حياة فيقول:

— بس مكنتش أعرف إن شعرك حلو أوى كده، وعمومًا كلامنا مخلصش امبارح، لازم نكمله.

لتخجل حياة منه فيضحك هو على خجلها ويقول لنفسه:

— ربنا يرحمك يا جدى، بعتلى أحلى هدية.

بالشركة وصلت رنا واتصلت بخالد لينفذ كل شئ.

وجدت حياة رقم يتصل بها فردت، وصُدمت عندما سمعت صوت خالد:

— فاكره مش هقدر أوصلك؟ يبقى بتحلمى يا هانم، أنا هودى آدم بتاعك ده فى داهية.

حياة بخوف:

— عايز إيه يا خالد؟ حرام عليك.

خالد:

— عايز أشوفك ضرورى، ولو مجيتيش يا حياة هتصل بخطيبه آدم وأحكيلها كل حاجه، وآدم يخسر كل حاجه، هستناكى كمان ساعتين يا حلوه، سلام.

ارتجعت حياة من مكالمة خالد وقالت:

— أنا لازم أروح أقابله، وإلا هيعرف رنا كل حاجه، وآدم يخسر شغله مع باباها.

وبالفعل ذهبت لمراد وقالت:

— بعد إذنك هروح مشوار مهم تبع الجامعة، وهرجع على طول، مش هتأخر، بس متعرفش آدم عشان ميضايقش، أنا مش عايزه اتقل عليه.

مراد:

— تمام، خلى السواق يوصلك.

حياة بتردد:

— لا متقلقش، أنا هعرف أروح وأرجع لوحدي.

لاحظ مراد توترها لكنه لم يعلق.

دلفت رنا لمكتب آدم فتضايق عندما رآها وقالت:

— حبيبى، هو صحيح حياة تعرف حد غيرك انت وأحمد هنا؟

آدم بقلق:

— لا متعرفش، اشمعنى؟

رنا بمكر:

— أصلى روحت أصبح عليها لقيتها بتكلم واحد اسمه خالد، وهتقابله، فعشان كده سألتك، شكله صاحبها بقى.

غضب آدم وقال:

— رنا، أنا عندي شغل دلوقتى ومش فاضى، ممكن تروحى دلوقتي.

رنا:

— حاضر يا بيبى، خلص شغل وكلمنى.

وتركته وهي تبتسم بانتصار.

اتصلت بخالد وقالت:

— كله تمام، ورينى هتعمل إيه.

خالد:

— متقلقيش، هاخدها معايا وأنا راجع البلد، وحلال عليكى آدم.

كانت حياة لا تستطيع التركيز بأي شئ وخائفة من مقابلة خالد، ولكنها أقنعت نفسها أنها ستذهب خوفًا على آدم.

بنفس الوقت كان مراد يبلغ آدم بما قالته حياة، فتأكد آدم من كلام رنا وغضب وقال:

— ليه كده يا حياة؟ أنا قولت إنك مش شبه حد، واتعلقت بيكى ليه؟

مرت ساعة على حياة وآدم، وكل واحد فيهما يفكر: حياة تفكر بخوفها من خالد، وآدم يفكر بكذب حياة.

سمع آدم طرقات على مكتبه فوجدها حياة، كان غاضبًا منها بشدة ولكنه لم يتحدث بكلمة. وقالت:

— آدم، كنت عيزاك ضرورى، ممكن تفضيلى نفسك خمس دقايق؟

آدم وقد أحس بقلق من نبرة صوتها ونسى غضبه منها وقال:

— انتى كويسه؟ إيه اللي حصل؟

توترت حياة بشدة وبدأت الدموع تنزل من عيونها وقالت:

— أنا مكنتش عايزه أضايقك والله، بس خالد اتصل بيا وبيهددنى لو مقبلتهوش هيتصل برنا يحكيلها عن جوازنا ويفضحك قدام أهلها.

فرح آدم كثيرًا، فلم تخيب ظنه أبدًا ولم تخفى عنه ما حدث معها، فاقترب منها وقال:

— طيب انتى بتعيطى ليه دلوقتي؟

حياة:

— عشان هيحصلك مشكلة بسببى.

أخذها آدم بحضنه وقال:

— أهدى يا حياة، مفيش حاجه هتحصل، ومش عايزك تخافى، وأنا جمبك، وخالد بقى ليا تصرف تانى معاه.

أحست حياة بالأمان داخل أحضانه وقالت:

— يعنى مش زعلان عشان كلمته؟

آدم:

— كنت هزعل لو عرفت من حد تانى غيرك يا حياة.

حياة:

— أنا عمرى ما أخبى حاجه عليك.

7 من 7التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى