منوعات

روايه ادم وحياه

حياة بخجل:

— شكرًا، تعبت نفسك.

آدم:

— حياة، متزعليش منى، وعايزك تعرفى كويس إن جدو كان غالى عندى أوى، وعمرى ما هسمح لأي حد مهما كان يغلط فيه، ولا فيكى انتي كمان، متزعليش ونبدأ صفحة جديدة، إيه رأيك؟

ابتسمت حياة وقالت:

— أنا كمان آسفة على الطريقة اللي كلمتك بيها فى المكتب.

من بعيد كانت عاليا ومراد يراقبون ما يحدث، وقالت عاليا:

— نفسى يا مراد حياة تكون من نصيب آدم.

مراد:

— ياريت يا عاليا يا حبيبي، بس تعالى هنا، إيه الحلاوة دي؟

عاليا بخجل:

— بس يا مراد بقى، متكسفنيش.

أحمد:

— عيني عليا، كل ما أبص عليكو تفتحوا نفسى للجواز.

مراد:

— طيب شد حيلك ونجوزك على طول.

أحمد:

— لو لقيت واحدة زي عاليا أكيد مش هسيبها.

مراد:

— مفيش في الدنيا دي زي حبيبتى.

وقبل يدها.

انتهى الاحتفال بحياة، وصعد الجميع لغرفهم. عند حياة قامت بفتح هدية آدم، كانت سلسلة باسمها، فرحت كثيرًا بها وقامت بارتدائها.

بعد مرور أسبوع، حياة مستمرة بالعمل معهم بالشركة وتعلمت كل شئ، وآدم يراقبها من بعيد ويتعجب من نفسه بسبب اهتمامه بها.

بالنادي كانت تجلس رنا مع أصدقائها غاضبة، فآدم لم يتصل بها. سمعت رسالة بهاتفها ففتحتها: “آدم بيضحك عليكى وبيستغلك.”

تعجبت من الرسالة وقامت بالاتصال بالرقم لكنها وجدته مغلق.

عند خالد كان يجلس مع صديقه أحمد وقال:

— طيب انت بعت الرسالة وقفلت التليفون ليه؟

خالد بمكر:

— لازم اخليها تستوى الأول، وبعد كده أكلمها.

بالشركة كانت حياة تعمل مع مراد وقال:

— حياة، خدى الورق ده، آدم عايزه ضرورى، ومتخليش أي حد يبص فيه.

حياة بتوتر:

— لا بلاش، لآدم يضايق ويعرف إني اشتغلت فيه.

مراد:

— آدم عارف إنك اشتغلتى معايا، وبالعكس اتبسط لأنه بيثق فيكى.

ابتسمت حياة وأخذت الورق وذهبت لمكتب آدم.

بالممر تقابلت مع عاصم فسلم عليها وقال:

— خلاص مبقيتيش محتجالى وبقيتى مع أستاذ مراد؟

حياة:

— أبدًا والله، هو اللي طلب منى كده، بعد إذنك لازم أوصل الورق ده لبشمهندس آدم.

كان ينظر لها عاصم بإعجاب شديد.

كان آدم يراقبهم من شاشة مكتبه وتضايق لوقوفها معه.

سمع طرقات حياة على الباب فسمح لها بالدخول.

حياة:

— اتفضل، ده الورق اللي حضرتك طلبته.

آدم بغضب:

— ياريت بعد كده متقفيش فى الممرات مع الموظفين، أنا مش هسمحلك تبوظى سمعتي، مفهوم؟

صُدمت حياة من كلامه ونزلت دموع من عيونها وتركته وخرجت دون كلام.

تضايق آدم من نفسه لأنه جعلها تبكي، وخرج وراءها.

عندما وصل لمكتب مراد سمعها تقول:

— أبدًا يا مراد، أنا تعبانة شوية ومصدعة، ممكن أروح البيت؟

مراد:

— يعني متأكده إن آدم مزعلكيش؟

حياة:

— وهيزعقلى ليه طيب؟ أنا فعلًا مصدعة ومش قادرة، ممكن أروح؟

مراد:

— ماشى يا حياة، أنا هكلم سواق يجى يوصلك.

دخل آدم المكتب وقال:

— حياة، استعدى عشان هتحضرى معايا الميتنج، مش هي فهمت المناقصة دي يا مراد؟

مراد:

— أيوه، بس مش كنت هتروح لوحدك؟

آدم:

— غيرت رأي، واهه أشوف فعلًا شاطرة ولا بتجاملها.

حياة:

— متشكره يا بشمهندس، متتعبش نفسك وتضيع وقتك عشان تعرف أنفع فى الشركة ولالا.

آدم:

— مستنيكى تحت.

وتركهم وخرج من المكتب.

زفرت حياة بضيق وخرجت ورائه.

مراد:

— ناوى على إيه يا آدم؟

نزلت حياة فوجدت آدم بسيارته يقف أمام الشركة، فركبت بالخلف، فقال:

— انتى فكرانى السواق بتاعك ولا إيه؟ اتفضلى قدام هنا.

حياة:

— انت بتزعقلى ليه؟

آدم بصوت عالي:

— حياة، اسمعى الكلام وتعالى قدام هنا.

أخذت تبرطم بالكلام وضحك آدم عليها.

انطلق بسيارته وعم الصمت بينهم حتى وصل آدم الفندق وذهب لمكان الميتنج.

سلم عليه الجميع وجلست حياة بجوار آدم وقال:

— دلوقتي الأستاذة حياة هتشرحلنا الجزء المالى للمشروع.

صُدمت حياة ونظرت لآدم بخوف، فنظر لها بثقة لتبدأ بالفعل.

شرحت حياة كل شئ، وبعد انتهائها قال أحد الشركاء:

— دي لقيتها فين دي يا بشمهندس؟

آدم:

— دي بنت عمى وبتشتغل مع مراد في الشركة، واحنا محظوظين إنها معانا.

فرحت حياة من كلام آدم وابتسمت له.

انتهى الميتنج وقالت حياة:

— أنا متشكره جدًا على كلامك ده، وصدقنى مش هتندم عشان اديتنى فرصة.

آدم:

— أنا مجملتكيش يا حياة، دي حقيقة، انتى فعلًا شاطرة وتستاهلى كده، بس أنا لسه عند كلامي، مفيش وقوف مع حد من الشركة.

حياة:

— والله هو اللي وقفنى، ودي أول مرة.

آدم:

— عارف إنها أول مرة.

حياة:

— بس هو انت عرفت منين؟

وفجأة ظهرت رنا، فتضايقت حياة عندما رأتها وذهبت إليهم وسلمت على آدم وقالت:

— وحشتنى يا بيبى، كده متسألش عليا خالص؟

آدم بجمود:

— انتى عارفه السبب يا رنا.

رنا:

— خلاص عشان خاطرك بس، أنا هعمل كده.

ونظرت لحياة بود مصطنع وقالت:

— أنا آسفه يا حياة، متزعليش منى.

صُدمت حياة منها وقالت:

— حصل خير.

ونظرت لآدم وقالت:

— أنا عايزه أرجع البيت، ممكن؟

آدم:

— يلا عشان أوصلك.

أمسكت رنا يده وقالت:

— حبيبى، خلى السواق بتاعى يوصلها، انت وحشتنى أوى، هو أنا موحشتكش ولا إيه؟

حياة:

— مفيش مشكلة، بس أنا محتاجه امشي من هنا.

آدم:

— كلمينى أول ما توصلى، ماشى؟

أومأت حياة برأسها وأوصلها لسيارة رنا.

كانت حياة طوال الطريق حزينة، لا تعرف سبب حزنها، تضايقت لوجود آدم مع رنا، فقالت لنفسها:

— مش من حقك تغيري عليه يا حياة، وبعدين دي خطيبته وهتبقى مراته، طلعى الأفكار دي من دماغك.

كان يجلس آدم ورنا مع أصدقائهم، فقالت يسرا صديقتها:

— ناويه تعملي إيه؟

رنا:

— مستحيل أخلى الفلاحة دي تأخذه منى، هو اه اتجوزها، بس طلاقها على إيدى.

يسرا:

— وهتعملى إيه مع ابن عمهم ده؟

رنا:

— ولا أي حاجه، هاخد مصلحتى وارميه.

فلاش باك

اتصلت رنا بصديق والدها تطلب منه بيانات الرقم وعنوانه، وقبل نهاية اليوم كانت تطرق باب الشقة ففتح لها خالد وضحك وقال:

— لا، طلعتى مش سهلة.

رنا:

— ممكن أعرف انت مين وعايز مني إيه؟

خالد:

— عايز مصلحتك طبعًا.

رنا:

— أنا مش فضيالك، قول عايز إيه.

خالد:

— أنا ابن عم آدم وحياه، وجاي أبلغك إنهم متجوزين، وآدم طبعًا ضحك عليكى ومبلغكيش، مش كده؟

صُدمت رنا وقالت:

— كداب، آدم ما بيضحكش عليا.

أخرج خالد صورة من عقد زواجهم وأعطاها لها.

لم تصدق أي شئ، هل آدم يضحك عليها ومتزوج من تلك الفلاحة؟

فقالت:

— وانت بقى عايزنى أعمل إيه؟

خالد:

— عايزك تواجهيه وقوليله يا أنا يا هي، ساعتها هيطلقها وترجعلنا كل حاجه.

رنا بعد تفكير:

— آدم مستحيل يطلقها، عشان كده احنا لازم نثبت إنها كذابه وبتضحك عليه، هتتصل بيها تقولها اقابلك وتهددها إنك هتفضح آدم قدامي لو مجاتش تقابلك، ساعتها هي هتيجي طبعًا، أنا وقتها أبلغ آدم إني سمعتها بتكلم واحد اسمه خالد ورايحه تقابله، ساعتها هيراقبها ويتأكد إنها كذابه.

خالد:

— كان عندى حق لما جيتلك.

وضحك بصوت عالي.

رنا بكره:

— تتصل بيها لما أكلمك، مفهوم؟

وتركته وخرجت.

باك

وصلت حياة للقصر فوجدت والدتها تجلس بالجنينة والتعب ظاهر عليها، فذهبت إليها وقالت:

— ماما، انتى كويسة؟

خديجة محاولة التماسك:

— أيوه يا حبيبتي كويسة، انتى عاملة إيه؟ طمنينى عليكى، مبسوطة فى الشركة؟

حياة:

— الحمد لله يا ماما، مراد علمنى كل حاجه وأستاذ عاصم كمان، والنهارده آدم اخدنى معاه وكان مبسوط منى جدًا.

شادية:

— ربنا يكرمك يا حبيبتى، وخلي بالك الجامعه قربت خلاص، استعدى.

حياة:

— متقلقيش، كله هيبقى تمام، يلا تعالى ندخل نشوفهم.

ظلت حياة مستيقظة تنتظر آدم لتراه، لا تعلم ماذا يحدث لها، أصبحت تفكر فيه كثيرًا وتتمنى رؤيته دائمًا. تذكرت قرب رنا منه فنزلت دمعة من عيونها، أرادت أن تعود لغرفتها وتنام، لكنها وجدت نفسها تنتظره حتى غفت على الكرسي.

عاد آدم وصعد لأعلى فوجد شخصًا بالبلكونة، فذهب فوجدها حياة نائمة. ظل ينظر إليها يتأمل وجهها وملامحها الرقيقة، لا يعلم ماذا تفعل فيه، وحاول الاقتراب منها لكنه منع نفسه، وحاول إيقاظها فاستيقظت وخجلت منه وقالت:

— آدم، أنا آسفة، راحت عليا نومه.

آدم:

— إيه اللي مقعدك هنا لحد دلوقتي؟ مش خايفة تتعبى؟ يلا قومى نامى.

حياة:

— انت اتأخرت كده ليه؟

ابتسم آدم وقال:

— كنتى مستنيانى ولا إيه؟

حياة بخجل:

— لا أبدًا، أنا كنت قاعده ونمت مكانى، وأنا هستناك ليه يعنى؟

اقترب آدم منها وقال:

— متأكده إنك مش مستنيانى؟

ظلت حياة ترجع للخلف حتى اصطدم ظهرها بالحيط، ووضع آدم كلتا يديه لتصبح حياة محتجزة بين يديه وقال:

— تعرفي إن نفسى أشوف شعرك أوى.

فقام بخلع حجابها وصُدم من جمال شعرها.

ابتلعت حياة ريقها وحاولت الهروب من بين يديه، ليرفع آدم وجهها إليه ولم يستطيع السيطرة على مشاعره ليقبلها، لسمعوا فجأة صوت أحمد عائدًا، فتهرب حياة لغرفتها ويبتسم آدم ويقول:

— انتى بتاعتى يا حياة خلاص.

وصلت لغرفتها ولم تستطيع السيطرة على أنفاسها ودقات قلبها، وابتسمت لتقارب آدم منها وأحست أن هناك أمل لها مع آدم.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى