منوعات

روايه ادم وحياه

— هو أنا مينفعش أخلع من الجو ده؟ أنا وهي مفيش بينا عمار خالص، ومش طالبة خناق مع آدم بعد ما تمشي.

لاحظت حياة أن الجميع لا يحبها، فتعجبت من ذلك، ولكن فجأة سمعت صوت ضحكة عالية، وبعدها دخل آدم ومعه فتاة. قالت حياة لنفسها:

— دي حلوة أوي، حقها تبقى مغرورة فعلًا.

سلمت على الجميع ونظرت لحياة وقالت:

— أكيد انتي حياة، مش كده؟

حياة:

— أهلًا، حمد الله على سلامتك.

رنا:

— ميرسي.

جلس الجميع لتناول العشاء وسط حديث رنا عن رحلتها بأمريكا، وبعد الانتهاء جلس الجميع بالحديقة، كانت تراقب حياة.

ذهب آدم لمكتبه مع مراد وتركوا الجميع.

قالت رنا:

— سافرتي قبل كده يا حياة؟

حياة بتلقائية:

— لا، جدو كان بيخاف عليا.

ضحكت باستهزاء وقالت:

— إيه التخلف والرجعية دي؟ هو لسه في ناس متخلفة كده؟

غضبت حياة وقالت:

— مسمحلكيش أبدًا تتكلمي عن جدو كده، فاهمة؟ وأظن دي حاجة متخصكيش.

عاليا:

— اهدي يا حياة، متزعليش.

حياة:

— لا طبعًا، الكلام ليه حدود، ولازم تحترم كلامها.

رنا بغضب:

— يعني أنا مش محترمة؟

حياة:

— أيوه طبعًا، لما تتكلمي عن جدى بالطريقة دي تبقى مش محترمة.

آدم بصوت عالي:

— حياااااه!

ارتجعت حياة من صوت آدم الغاضب، فاستغلت رنا الفرصة وقالت:

— شفت يا آدم؟ بنت عمك غلطت فيا إزاي؟ أنا مش ممكن أفضل هنا.

وادعت البكاء وخرجت سريعًا.

خرج آدم وراءها ليلحقها، فصُدمت حياة مما قالته ونظرت لعاليا، فقال مراد:

— إيه اللي حصل؟ حد يفهمني.

فأخبرته عاليا بكل شئ.

عاد آدم وهو غاضب وقال لحياة:

— انتي مين سمحلك تغلطي فيها؟ كرامتها من كرامتي، لازم تفهمي إن ليكي حدود ومش هسمحلك تتعديها، فاهمة؟

صُدمت حياة من رد فعله ونزلت دموعها، فتركتهم وصعدت لغرفتها.

قالت عاليا:

— انت إزاي تكلمها كده؟ حياة مغلطتش، رنا هي اللي غلطانة.

آدم:

— غلطت في إيه؟ يعني عشان بتقولها مسافرتيش ليه؟

عاليا بصوت عالي:

— أكيد مقلتش إنها قالت على جدو رجعى ومتخلف.

صُدم آدم وقال:

— انتي بتقولي إيه؟

عاليا:

— الهانم لما غلطت في جدو، حياة مستحملتش وزعقتلها، حياة مش غلطانة يا آدم، ولازم تعتزلها.

تضايق آدم ولم يرد عليها وصعد لغرفته.

كانت حياة تبكي بغرفتها وتنظر لصورة جدها وتتمنى أن تعود لحياتها القديمة مع جدها ووالدتها فقط.

بالمنصورة كان يجلس خالد مع أصدقائه يشربون كعادتهم، فجاء أحدهم وقال:

— خالد بيه، جيبتلك اللي انت عايزه.

خالد منتبهًا له:

— قول بسرعة.

الشخص:

— عنده شركة هندسية كبيرة أوي، وكل الشركات بتعمله حساب، وبالذات لما خطب بنت رجل الأعمال إبراهيم المصري.

قال خالد:

— هو البيه خاطب؟ حلو أوي، دي كده اتحلت أوي، خد حلاوتك اهي، وأنا هتصرف في الباقي.

نظر له أحد أصدقائه:

— واضح إنك مبسوط بالأخبار دي.

خالد:

— أوي أوي، ده أنا هطربقها فوق دماغه، ويبقى يعمل راجل تاني.

وضحك بصوت عالي.

كان آدم غاضبًا من نفسه لتسرعه، وأراد كثيرًا أن يعتذر لحياة، لكن قرر الاعتذار لها بالشركة، فغدًا أول يوم لها.

في الصباح استيقظت حياة وطلبت من عاليا مساعدتها في اختيار ملابسها، وبالفعل ارتدت ملابسها وحجابها ونزلت لتناول الفطور مع الجميع. ظل آدم ينظر إليها، أراد أن يطلب منها تغيير ملابسها فتبدو جميلة عليها، لكنه قرر عدم التدخل في حياتها. وعند الانتهاء من الفطار قال مراد:

— يلا يا حياة، عشان هتركبي معايا.

أومأت برأسها موافقة وذهبت معه.

عندما وصلوا للشركة انبهرت كثيرًا بشكلها والنظام بها، ذهبت لمكتب مراد وقال:

— مش عايزك تخافي من حاجة، أنا معاكي وهشرف على تدريبك بنفسي، وكمان أستاذ عاصم هيساعدك.

سمعوا صوت طرقات على الباب، وبعدها ظهر الأستاذ عاصم.

مراد:

— أهلًا عاصم، دي حياة اللي قلتلك عليها.

عاصم:

— متقلقش، كله هيبقى تمام، اتفضلي يا أستاذة حياة.

كان آدم يستعد لاجتماع مع مديرين الأقسام، وبعد حوالي ساعتين انتهى الاجتماع ونظر لمراد وقال:

— هي حياة فين؟

مراد:

— مع عاصم بتتدرب على الشغل.

آدم بغضب:

— وملقيتش غير عاصم يا مراد؟ ماكنت دربتها انت.

مراد بتعجب:

— وانت زعلان ليه؟

آدم:

— مش زعلان ولا حاجة، بس خايف يضايقها.

مراد:

— متقلقش، هو عارف إنها بنت عمك، يعني مستحيل يضايقها.

خرج مراد، وبعدها طلب آدم من السكرتيرة استدعاء حياة لمكتبه.

ارتجعت حياة، لم تكن تريد مواجهته بعدما حدث بينهم، لكنها ذهبت وقالت لنفسها:

— متخافيش، هو دلوقتي مديرك في الشغل، مش جوزك…. جوزي؟ انتي صدقتي نفسك ولا إيه؟ ابن عمك يا حياة، آدم ابن عمك.

وصلت لمكتبه وطرقت الباب ودخلت، عندما رآها قال:

— كل ده عشان تيجي؟

حياة:

— حضرتك، أنا أول ما السكرتيرة بلغتني جيت على طول.

آدم:

— طبعًا، انتي عارفة أنا جايبك هنا ليه، أنا امبارح مخلصتش كلامى معاكى ومشيتى.

حياة:

— أعتقد من قلة الذوق إنك كل شوية هتعيد عليا الكلام، أنا عرفت حدودى فى البيت خلاص يا بشمهندس.

آدم بغضب:

— يعني أنا قليل الذوق؟

حياة:

— أنا مقلتش كده، أنا بفهمك معنى كلامك، وبعدين انت حاسبتنى من غير ما تسمعنى أصلًا، ولا صحيح هتسمعلى ليه؟ ما أنا واحدة جاهلة ورجعية ومليقش بيك.

صُدم آدم من كلامها، هل سمعت حديثه مع والدته؟

فلاش باك

خديجة:

— آدم يا ابني، أنا عارفة إن اتفرض عليك الجواز من حياة، بس أنا حبيتها أوي ونفسى تبقى مراتك بجد.

آدم بغضب:

— ماما، اللي انتي بتقوليه ده مستحيل، عيزانى اتجوز واحدة ولا شبهى ولا فهمانى؟ دي جاهلة ورجعية ملهاش فى أي حاجة، أنا عندى أفضل كده ومتجوزش واحدة زيها، وبعدين متخليش عدم موافقتك على رنا تجبرنى أخلى جوازى من حياة واقع.

خديجة:

— عيب يا آدم، إيه اللي بتقوله ده؟ حياة متعلمة ومثقفة كمان، انت بتحكم عليها من غير ما تعرفها.

آدم:

— ومش عايز أعرفها.

وتركها وذهب.

باك

آدم بتوتر لأنه رأى دمعة بعينيها:

— حياة، أنا آسف لو كلامى ضايقك، وحقك تزعلى إنى مسالتكيش على اللي حصل، بس أنا عرفت الحقيقة وصدقينى مش هسكت.

حياة:

— بشمهندس آدم، لو عايزنى بخصوص الشغل أنا تحت أمرك، ولو حاجة تانية فأنا معنديش كلام أقوله، بعد إذنك.

وخرجت من المكتب وذهبت للحمام مسرعة لتبكي.

بمكتب آدم، لأول مرة يشعر بالغضب من نفسه، أراد كثيرًا أن يعتذر منها ويراضيها، فجأة دلفت رنا لمكتبه وقالت:

— حبيبي مالك؟ شكلك مضايق.

واقتربت منه ولفت يديها حول عنقه محاولة تقبيله.

ليفك آدم يديها ويبتعد عنها ويقول:

— كويس إنك جيتى، انتى كدبتى عليا ليه وقلتى إن حياة غلطت فيكى من غير سبب؟

رنا بقلق:

— الكدابة دي قلتلك إيه؟ أكيد وقعت بينى وبينك.

آدم:

— أولًا حياة مش كذابة، ثانيًا عاليا اللي حكيتلى كل حاجة، انتى لازم تعتذري لحياة فورًا على اللي حصل.

رنا بغضب:

— انت عايزنى اعتذر لفلاحة ولا إيه؟ مستحيل.

آدم بغضب وصوت مرتفع أرعبها:

— أولًا حياة تبقى بنت عمى، ولو هي فلاحة فأنا كمان فلاح يا هانم، واتفضلى اطلعى بره دلوقتى ومترجعيش غير لما تعتذري لحياة.

غضبت رنا وتركته وخرجت من الشركة.

بالقصر كانت عاليا تجهز احتفال صغير لحياة لبدأها العمل، واتصلت بآدم ومراد وأحمد ليحضروا هدية تشجيعًا لها.

انتهت حياة عملها وذهبت لمراد وقالت:

— أنا دماغى خلاص هتقف، أنا خايفة مكنش قد الثقة والله.

مراد ضاحكًا:

— لا متقلقيش، انتى ماشيه حلو جدًا وبتتعلمى بسرعة.

دخل آدم عليهم وقال:

— أنا عندى عشا عمل مهم، بلغهم فى البيت.

مراد:

— هي عاليا مبلغتكش ولا إيه؟

آدم:

— بلغتنى بس مش فاضى، سلام.

خرج مراد وراء آدم وقال:

— إيه قلة الذوق دي؟ إزاي تتكلم كده قدامها؟ أكيد لما تفهم معنى كلامك هتزعل.

آدم:

— مراد، أنا تعبان ودماغى هتنفجر، وعندى عشا عمل مهم.

مراد:

— متنساش اني شغال معاك وعارف إن مش لازم تروح، احنا عملنا معاهم الواجب خلاص، جيبت هدية ولالا؟

آدم:

— لا مجيبتش.

مراد:

— طيب يلا روح هات هدية بسرعة وتعاله ع البيت، أنا نفسى أفهم ده، جدك الله يرحمه موصيك عليها يا آدم.

آدم بعد تفكير:

— حاضر يا مراد، سلام دلوقتى.

عاد مراد فوجد حياة تنتظره وقالت:

— هو بشمهندس آدم مشي خلاص؟

مراد:

— حياة، آدم ابن عمك، يعني بشمهندس دي ملهاش لزوم، معرفش إيه الرسميات اللي بينكو دي.

حياة:

— أنا بعمل بكلامه، مش لازم اتعدى حدودى.

مراد:

— على فكرة آدم ندمان على اللي حصل، وكان عايز يعتذرلك، واتخانق النهارده مع رنا وخرجت متعصبة.

حياة بتسرع:

— اتخانق معاها؟ ورايح يتعشى معاها؟….. لعنت حياة تسرعها.

مراد مبتسمًا:

— آدم كان رايح يطمن على وفد الشركة الإنجليزية، مش معاها، وعمومًا هو زمانه وصل البيت، يلا عشان اتأخرنا.

بالمنصورة كانت كريمة تتحدث مع خالد وقالت:

— تفتكر يعني لو خطيبته دي عرفت كل مشاكلنا هتتحل؟

خالد:

— طبعًا، وساعتها هتقوله يا أنا يا هي.

كريمة:

— عفارم عليك يا حبيبي، انت كده ابني بصحيح.

دخل عليهم صابر فابتسمت كريمة وقالت:

— تعالى شوف خالد هيعمل إيه.

تعالى وأخبرته كل شئ.

صابر بفرحة:

— عارف، لو ده حصل هعملك اللي انت عايزه، بس اوعى تكسفنى وتبوظ كل حاجة.

خالد:

— متقلقش خالص يا حاج، كله مضبط على الآخر، أنا هسافر الأيام اللي جايه وهقابلها وأتكلم معاها.

وصل كلًا من حياة ومراد للقصر، وفوجئت حياة بالاحتفال ففرحت كثيرًا وقالت:

— أنا مش عارفه أشكركو إزاي، تعبتوا نفسكو والله.

خديجة هانم:

— أبدًا يا بنتي، دي أقل حاجة ممكن نعملهالك، انتي واحدة مننا.

حياة:

— ربنا يخليكو ليا يااااارب.

أعطى الجميع هدايا لحياة، وبعدها وصل آدم وأعطى حياة هديتها وقال:

— مبروك الشغل.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى