منوعات

نار وهدنه ٥

كانت ضي لا تقل دهشة، بل كانت أقرب للجنون، وصرخت في استغاثة وهي تتخبط فوق ظهره: الحقني يا إبراهيم! خليه ينزلني!
هز سلطان رأسه، وصوته يحمل نبرة مضغوطة من الغيظ واللوم: يرضيك يا هيما؟ أغفل عنها خمس دقايق ألاقيها سابت الشقة وجريت؟! هو ده لعب عيال؟!
ضحك إبراهيم وهز رأسه بنفي خفيف، ثم قال ممازحًا بلهجة ساخرة: لا طبعا ميرضنيش… أقولك سيبهالي، أربيهالك أنا.
صاحت ضي بفزع، وهي ترتجف في مكانها فوق منكبه، بينما تحرك سلطان بعيدًا عنه وهو يهتف بثقة لا تخلو من الغضب: وأنا أكتع؟ ولا معرفش أربي؟! ربايتها عليا!
مد إبراهيم يده وقبض على ذراع سلطان، وهمس بصوت خفيض وقلق: سلطان…
نظر سلطان إلى صديقه بنظرات تحمل رسالة وتمتم بجدية: متخافش… أختك مع راجل عارف هو بيعمل إيه… وعارف هي مين.
فتح باب الشقة ودلف، مغلقًا الباب خلفه وسط صراخ ضي: الحقني يا إبراهيم!
ضحك إبراهيم بخفة وهو يردد: أُلحقك من مين؟ ده جوزك يا بنتي..
تحرك سلطان بها إلى المطبخ، وأنزلها على الطاولة بحذر بدا متنافرًا مع عنفه السابق، ثم صاح فيها: هو إيه الجنان ده؟ وإيه الجري والتنطيط والفرهدة دي؟ مشيتي ليه وسبتي الشقة؟!
انكمشت ضي خجلًا، وهمست كأنها تهمس بذنب لا يغتفر: كنت عايزة أغير هدومي… الفستان كان مضيقني.
نظر لها في صمت ثقيل، ثم غمغم بنبرة لم تخلو من الحدة: ولما غيرتي… مجتيش ليه؟! ولما جيت أخبط على الباب وأرزع زي المجنون… مفتحتيش ليه؟!
أطرقت رأسها، وصوتها يكاد يختفي تحت أنفاسها المتقطعة: أصل… بصراحة… أنا معرفش أطبخ.
حدق فيها بدهشة حقيقية، ثم فجأة انفجر ضاحكًا، كانت ضحكته كفيلة بتغيير ملامحه كلها، وتحولت الحدة إلى دفء مفاجئ. نظرت له في حيرة ودهشة، ورمشت بعينيها، ثم همست بخجل: أنا آسفة… بس خوفت أقولك… تتعصب. وأنا بخاف منك لما تتعصب.
كتم ضحكته، وعض شفته بقوة، ثم دنا منها، وحاصرها بجسده بين ذراعيه، وهمس: آه… إحنا كده على الأبيض.
بلعت ريقها بتوتر، ووضعت يدها على صدره وهمست بتلعثم واضح: يعني إيه؟
ابتسم مجددًا، ثم حملها بين ذراعيه وخرج بها من المطبخ، وهتف: تعالي بقى من المطبخ… طالما مَلكيش فيه.
هزت رأسها بالنفي وغمغمت: أنا ممكن أتعلم…
أومأ برأسه، ثم وضعها على الأريكة، وجلس بجانبها، مسح على ساقها بلطف، وسألها بنبرة أخف: أنا خليتهم يعملوا كباب وكفتة بتحبهم؟!
تراجعت بخجل وهمست: سـ سلطان…
اقترب منها أكثر، وتمتم بنبرة خبيثة: حلو الشورت ده… بس ميتلبسش تاني غير ليا… وبس.
شدت الروب على ساقيها، وهمست بنبرة ضعيفة: سلطان…
لكنه سحب الروب فجأة، وهمس بصوت أجش: اقلعي يا بت… جاية عندي وتقفلي؟!
تمسكت بالروب، وهزت رأسها نافية، وصوتها يرتجف: سلطان…
شده بقوة وهتف محتدًا: يا بنتي إنتي دماغك إيه؟ مصفحة؟!
بلعت لعابها بصعوبة، وهمست: أنا مش بعند… بس إنت وقح!
ضحك بتهكم، وأردف بنبرة ساخرة: وهمجي… وقليل الأدب… وإيه كمان؟
نهض، واتجه إلى المطبخ ثم عاد ومعه صينية الطعام، نادى عليها وهو يضعها على الطاولة وقال: تعرفي تجيبي معالق وشوك من المطبخ… يا بت الأكابر!
أومأت برأسها، وركضت نحو المطبخ، نظر إلى جسدها وهي تركض، وغمغم مبهورًا: يخربيت حلاوة اللي جابو أهلك… قنبلة موقوتة… واللي يبصلك… جاته موتها!
عادت بالمعالق والشوك ووضعتهم على السفرة، جلسا يتناولان الطعام في صمت، تحت نظراته العميقة التي كانت تذيب ثباتها، وتفكك أطرافها.
أما ضي، فقد كانت تأكل بصعوبة، وكأن الطعام لا يجد طريقه إلى جوفها، تتخبط بين خجلها وتوترها.
وما إن انتهيا، حتى نهضت بخفة، واتجهت إلى المرحاض، غسلت يديها، ثم خرجت لتجده واقفًا أمامها، وقبض على يدها دون كلام، وسحبها إلى الغرفة.
فتح الباب، ودلف، لكنها تجمدت عند العتبة، ونظرت إلى الفراش، وقلبها يهبط تحت قدميها، تمتمت بصوت باكي: هو… هو إنت جبتني هنا ليه؟
رفع حاجبه بخبث، وقال بنبرة ثقيلة: عشان ننام… إنتي فاكرة إيه؟
هزت رأسها نافية، وردت بتوتر: ولا حاجة… بس أنا عايزة أنام في أوضتي.
نظر لها طويلًا، ثم سحبها إليه وتمتم بصوت أجش خافت: مفيش أوضتك تاني في أوضتنا.. من النهارده مش هتنامي بره حضني!!
تململت بخجل وحاولت دفعه وهمست بصوت خافت: سلطان عشان خاطري سيبني أخد عليك شوية!!
أومأ برأسه، وقال بجدية: متخافش إحنا هننام بس!!
ابتسمت بارتياح مفاجئ، وأومأت برأسها، وتحركت إلى الفراش وسحبت الغطاء على كامل جسدها. ضحك بعبث، وتمتم بصوت خافت: الغطاء ده هيمنعني يعني؟!
بلعت لعابها بصعوبة ونظرت له بذرع ورفعت الغطاء على راسها. قهقه بمرح وتمدد بجانبها وسحبها إليه وضمها بحضنه وهمس: تصبحي على خير يا آخرة صبري.
وضعت يدها على فمها تمنع شهقتها ودموعها تنزل ببطء صامت وأغمضت عينيها دون رد…
………………..
بعد مرور يومين في شقة عمار
حيث الجدران تشهد على توتر خفي يتصاعد كدخان بلا نار، كانت ضي تجلس أمام كتبها، ملامحها منهكة، وعيناها تحملان شرودًا لا يعرف قرارًا، بينما الهواء مشحون بثقل لا يحتمل.
صاح عمار، وقد نفد صبره، وهو يمسك كتابًا بيده المرتجفة من الغضب: مالك يا ضي؟ ركزي! في إيه؟!
رفعت رأسها إليه، وهي تفرك جبينها بتعبٍ ظاهر، كأن الأفكار تنقر على عظام رأسها من الداخل، وزفرت تنهيدة طويلة أثقلتها وغمغمت بدموع: مش قادرة يا عمار… حاسه دماغي هتتفرتك… حاسه بتشويش فظيع…
كأن كلمتها كانت شرارة، ألقى عمار بالكتاب من يده، ارتطم بالمائدة وأصدر صوتًا أجوف، ثم صاح بغضب يشبه زئير جريح: ماهو مينفعش كده! كلها أسبوع على امتحانات الثانوية العامة… إنتي مستوعبة؟! هتدخلي ازاي كده كلية العلوم؟! وتحققي حلم بابا؟! الله يرحمه…
بلعت لعابها بصعوبة، وكأن كل ما فيها يرفض أن يمر، تراجعت إلى الخلف وهي تهمس بانكسار: مش قادرة أركز… مش عارفة… حاسه دماغي مش معايا… أعمل إيه؟
اقترب منها بحدة غاضبة، قبض على ذراعها وسحبها بقوة حتى جلست إلى جواره، ثم هتف بصوته الجهوري، كأن كلماته صفعات متتالية: لا… هتركزي! وهتنجحي! وهتحققي حلمك وحلم بابا فيكي… مش هتخيبي أمله إنتي كمان! كفاية إحنا…
لكن كلماته لم تستكمل، إذ كانت ضي قد انكمشت على نفسها، كأنها تحتمي من عاصفة، همست وسط دموعها المرتجفة: عمار… ليه بتخوفني؟
ارتجف صوته، وهو يهزها برفق، كمن يحاول أن يوقظ ضوءًا انطفأ: عشان تفوقي لنفسك! وترجعي ضي… أختي اللي أنا عارفها… إنتي..
وفي اللحظة التي كان الغضب فيها على وشك الانفجار، دلف سلطان إلى الشقة بخطى سريعة، وعلى وجهه علامات الدهشة والاستفهام، من صوت عمار الذي شق سكون الشارع وهتف: عمار! في إيه؟ صوتك جايب آخر الشارع!
نهضت ضي فجأة، وكأن سلطان صار مصدر أمان في ذلك الزحام من التوقعات والضغط، تمسكت بذراعه، وهمست باكية: أنا مش عايزه أكمل… مش هروح الامتحانات… إحنا مش خلاص اتجوزنا؟ خدني من هنا… أنا خلاص… اتجوزت… ومش هكمل!
قطب سلطان حاجبه بدهشة، ونظر إليها بنظرات فاحصة كمن يحاول أن يقرأ مرضًا خفيًّا، وضع يده على وجهها بلطف نادر منه، وهمس بقلق: إنتي كويسة يا بت؟! امتحانات إيه اللي مش عايزه تروحيها؟! هي هبت منك يا ضي؟!
كان عمار يقف هناك، ملامحه متحجرة، صوته ينفجر من صدره بانفعال حارق: شوفت؟! اتجننت رسمي! خرجتني عن شعوري!
اندفع نحوها بعنف، محاولًا الإمساك بذراعها، وصاح بغضب ممزوج بالخذلان: إنتي اتجننتي يا ضي؟! نسيتي كل كلام بابا؟! وحلمك؟!
تراجعت فزعة، تخبئ جسدها خلف سلطان كمن يهرب من عاصفة، تمسكت به، ودموعها تتساقط بلا حيلة، وهزت رأسها نفيًا، وهمست بصوت متهدج: لا… ما نسيتش… بس الحلم ده مات هو كمان… وحتى لو حققته… هو مش هنا عشان يفرح معايا بيه… أنا خلاص… كل أحلامي ماتت… وكل حاجة اتفرضت عليا… وانتو اخترتوا حياتي… وأنا هعيشها… زي ما اخترتوها…
اندفع عمار مرة أخرى، يحاول القبض على يدها، لكن سلطان وقف حائلًا بينهما، دفعه بخفة لكنها حاسمة، وقال بحدة: بس يا عمار… إنت هادي كده ليه؟ إنت مكنتش عصبي كده… إهدا، وأنا هاخد ضي عندي، وهنذاكر سوا…
هز عمار رأسه بيأس واضح، وعيناه تغوصان في عتمة لم يجد فيها مخرجًا، وتمتم: اعملوا اللي تعملوه… أنا تعبت…
استدار ليتحرك إلى الداخل، ووقف سلطان، يحمل بيده كتب ضي من فوق الطاولة، ونظر إليها بصرامة، صوته خافت لكنه نافذ: قدامي… يا آخرة صبري.
تحركت أمامه، تنحب في صمت، كأن خطواتها تئن، وخرج سلطان خلفها بخطى ثابتة، تشي بقوة لا تنكسر، حتى حين يشتد الألم.
…………………

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى