منوعات

وجع الفراق ١

صافي بتأثر:

— عادي يا ماما، يعني هيكون أكتر من اللي فات؟ متقلقيش عليا، أنا قادرة أتعامل مع أي حد وأوقفه عند حده.. المهم إنكم جنبي وكيمو حبيب قلبي في حضني.

قالتها وهي تقبله بقوة وهو يضحك في أحضانها.

بمجرد دخوله غرفته بالشقة التي يمتلكها بجوار الجريدة في أحد الأبراج الشاهقة المطلة على الميدان الشهير، خلع قميصه ورماه على السرير لتظهر عضلات صدره الرياضية. جلس بمؤخرة السرير يفرك رأسه قبل أن يتمدد على السرير. أغلق عينيه للحظات قبل أن يحس بقبلات تغمر وجهه. فتح عيناه فوجدها تقبل وجهه كله بشغف. ابتسم في مكر وهو ينظر إلى قميص النوم الذي ترتديه قائلًا لها:

— ساري: كويس إنك عرفتي العنوان لوحدك.

أجابته بصوت هامس:

— مفيش حاجة صعبة عليا، وخصوصًا إني أوصل لشقة جوزي.

أجابها ساخرًا:

— جوزك؟ متكونيش صدقتي إن الورقة العرفي دي جواز بجد.

أجابته بثقة:

— لا، جواز يا حبيبي.. اسألني أنا خبرة فيه.

نهض قبالها وتحسس وجهها قائلًا لها:

— ساري: عارفة يا غادة، إيه اللي عجبني فيك؟ إنك بجحة أوي، وده بيعجبني في الست أوي.. إنها تبقى واضحة حتى لو كانت لا مؤاخذة بنت ليل. إنما اللي بيضايقني الست اللي تمثل إنها خضرة الشريفة وهي لا مؤاخذة بنت…

غادة وهي تقبل شفتاه قبلات متقطعة:

— مين مزعلك بس يا حبيبي؟

ساري:

— بنت كده شكلها مش ولابد وعايشة الدور أوي، وهي سمعتها منيلة بستين نيلة.

غادة:

— واحنا مالنا ومالها؟ خلينا في اللي احنا فيه.

قالتها وهي تقبل شفتيه بقوة قبل أن يجذبها إليه.

خرج من الحمام يلف جزأه الأسفل بمنشفة. تضايق فور رؤيتها ترتدي قميصه الذي خلعه.

اتجه ناحية الدولاب قائلًا لها بصرامة:

— ساري: البسي هدومك واقلعي قميصي يا فوزية.

استاءت من مناداته لها باسمها الحقيقي قائلة بضيق:

— غادة: لزمته إيه بقى تفكرني باسمي الحقيقي يا روحي؟ لو على القميص اللي مضايقك هقلعه لك.. مش فاهمة إيه مشكلتك إن حد يلبس هدومك؟

اقترب منها قائلًا بجدية وهو يمسك ذقنها بيده وعيناه تتطلعان لوجهها:

— اللبس عندي حاجة مقدسة كده زي اسمي بالضبط. لسه متخلقتش اللي ممكن تشيل اسمي ولا تلبس هدومي.

غادة بخبث:

— ولا أم العيال؟

أمسك برقبتها بقوة كادت أن تختنق قائلًا والشرر يتطاير من عينه:

— ساري: أنا قلت لك قبل كده سيرة أم ولادي خط أحمر، صح؟

قبل شفتيها بعدما رأى عيناها ترتعبان مما يفعله قبل أن يبتعد عنها. خلعت قميصه ورمته على السرير وشرعت في ارتداء ملابسها قائلة بدلال مصطنع:

— غادة: طيب بالنسبة للفيلم يا روحي.. إيه أخباره؟ من أول ما قابلتك في أمريكا وانت وعدتني تنتج لي فيلم، واديك أهو جيت مصر وبقيت صاحب أشهر شركة إنتاج.. فين وعدك بقى؟

أجابها وهو يعدل ياقة قميصه أمام المرآة:

— أنا وعدتك، بس اديني فرصة أرتب أموري. أنا لسه جاي ومش فاهم الدنيا ماشية ازاي. وبعدين أنا اللي كسبان لو عملت لك الفيلم ده.. يعني انتي برضه نجمة ومكتسحة بقالك فترة، أي نعم أفلام مقاولات، بس شغالة.

غادة وهي تضحك بصوت عالٍ:

— مقاولات؟ ده أنا شباك التذاكر لأفلامي بيكسر الدنيا.

ابتسم وهو يجذبها إليه وعيناه تتفحصان جسدها قائلًا:

— ساري: طيب يا نجمة الشباك.. زي ما خدتي مفتاح الشقة من حسن حارس العمارة ترجعيه له، فاهمة؟ وأنا لما أفضى هكلمك.

قبلته قبلة في الهواء وهي تتجه ناحية باب الغرفة، بينما جلس على حافة السرير ليربط حذاءه قائلًا لها بجدية:

— ساري: غادة.

التفتت إليه قائلة بدلال:

— غادة: عيون غادة.

ساري:

— إيه اللي يخلي واحدة سيرتها مش مضبوطة وسمعتها زي الزفت، عينيها قوية؟

أجابته وهي تمضغ في لبانة في فمها بقوة:

— حاجة من الاتنين يا روحي: إما برقع الحياء مكشوف عنها، وبجحة ومش هاممها حد، يا إما إنها عكس ما الناس بيقولوا عنها.

شرد لثواني قبل أن يهز رأسه كي ينفض رأسه من التفكير بها قبل أن يعود لربط حذائه.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى