منوعات

سر العيله2

الصوت كمل
هو اللي كان بيحرك كل حاجة.
الرجل اللي عند الباب بدأ يتوتر.
كفاية.
لكن التسجيل كمل
ولو قابلتوا الراجل اللي هيقول لكم إنه أبوكم… ما تصدقوش.
محمود بص للرجل.
إنت مش أبويا؟
الرجل سكت.
آسر رفع المسدس اللي كان موجود على الترابيزة.
قول الحقيقة.
الرجل رفع إيده.
آسر…
قول!
أنا أبوك.
والرسالة بتقول ما نصدقكش.
لأن أمك كانت خايفة.
مريم قالت
خايفة منك؟
الراجل بص لها.
خايفة عليّا.
قبل ما حد يفهم…
صوت زجاج اتكسر من الدور الأرضي.
وبعده صوت خطوات كتير.
الراجل قال
جُم.
محمود شد آسر.
مين؟
رجالة أبوكم.
آسر قال
إحنا لازم نخرج.
الراجل هز راسه.
مفيش وقت.
وبعدين جرى ناحية مكتبة قديمة.
زق رف الكتب.
ظهر ممر سري.
مريم بصت بدهشة.
ده كان موجود طول الوقت؟
أيوه.
بيوصل لفين؟
للمكان اللي أمك مستخبية فيه.
آسر اتجمد.
هي هنا؟
الراجل هز راسه.
كانت هنا.
حكايات_شروق_خالد
دخلوا الممر بسرعة.
محمود آخر واحد.
وقبل ما يقفل الباب…
شاف ظل شخص واقف آخر السلم.
الشخص ابتسم.
محمود همس
آسر…
آسر لف.
إيه؟
الراجل اللي فوق…
مين؟
محمود بلع ريقه.
فؤاد.
آسر بص ناحية الممر.
بس فؤاد في الحجز.
محمود هز راسه.
يبقى اللي في الحجز… مين؟
وفجأة…
النور انطفى.
والباب السري اتقفل.
وفي الضلمة…
سمعوا صوت خطوات جاية ناحيتهم.
خطوة…
خطوة…
خطوة…
وبعدين صوت همس قريب جدًا من ودن مريم
كنتِ فاكرة إنك أنقذتي آسر؟
مريم اتجمدت.
مين؟
الصوت رد
إنتِ اللي كنتِ بتأذيه كل يوم.
مريم شهقت.
كدب!
آسر مسك إيدها.
مريم، ما تسمعيش له.
لكن الصوت ضحك.
افتحوا النور… وشوفوا الحقيقة.
وفجأة النور اشتغل.
مريم بصت لإيدها.
كان عليها أثر مسحوق أبيض.
ومحمود صرخ
مريم! ما تلمسيش وشك!
آسر بص للمسحوق.
إيه ده؟
محمود قال
نفس المادة اللي كانت في تحاليلك.
مريم بصت لإيدها وهي مرعوبة.
بس أنا ما حطتش حاجة…
آسر قرب منها.
أنا مصدقك.
وفي اللحظة دي…
اتفتح باب الممر من الناحية التانية.
وظهرت ست واقفة قدامهم.
شعرها أبيض.
وشها شاحب.
لكن عينيها…
كانوا نفس عيون آسر.
آسر ما قدرش ينطق.
الست بصت له.
وبصوت مكسور قالت
آسر…
دموعه نزلت.
ماما؟
هزت راسها.
أيوه يا ابني.
محمود وقع على ركبته.
ماما…
لكنها بصت لمحمود.
وسكتت.
وبعدين قالت
أنا آسفة يا محمود.
محمود قام بسرعة.
آسفة على إيه؟
الست بصت له.
لأن أبوك الحقيقي… مش الراجل اللي واقف معاكم.
حكايات_شروق_خالد
آسر سأل
مين أبو محمود؟
الست دموعها نزلت.
أبوك الحقيقي… هو فؤاد.
محمود اتجمد.
وفي اللحظة نفسها…
جالهم صوت فؤاد من ورا الباب
وأخيرًا… قالتها محمود فضل واقف مكانه، مش قادر يستوعب.
بص لأمه، وبعدين للراجل اللي كان واقف معاهم.
فؤاد… أبويا؟
أمه هزت راسها وهي بتعيط.
أيوه.
صوت فؤاد جه من ورا الباب
وأنا اللي حاولت أخليك تكره نفسك وتصدق إنك ابن الراجل اللي حبسني.
الباب اتفتح.
فؤاد دخل، لكن المرة دي مفيش سلاح في إيده.
ورا الباب كان فيه اتنين من الشرطة ماسكينه.
فؤاد ابتسم بسخرية.
انتهت اللعبة.
آسر بص له.
ليه عملت كل ده؟
فؤاد رد
الفلوس.
وبعدين بص لمحمود.
أبوك الحقيقي كان غني، لكن أبوك اللي رباك كان صاحب الإمبراطورية. وأنا كنت عايز كل حاجة تقع في إيدي.
محمود قال
وأمي؟
فؤاد سكت.
أمه ردت بدلًا منه
حاول يدبر لي الأذى لما اكتشفت الحقيقة.
محمود قرب منها.
وإنتِ ليه ما رجعتيش لينا؟
دموعها نزلت.
كنت خايفة عليكم.
آسر قرب منها.
وقف قدامها للحظات.
وبعدين قال
أنا فضلت سنين فاكر إنك غبتي.
حكايات_شروق_خالد
مد إيده.
بس أهم حاجة إنك رجعتي.
أمه مسكت إيده.
وضمت إيده لصدرها.
سامحني يا ابني.
آسر هز راسه.
مش دلوقتي.
ابتسم ابتسامة صغيرة.
بس يمكن مع الوقت.
الشرطة أخدت فؤاد.
وعواطف اعترفت بكل اللي عملته، واتكشفت شبكة التزوير والمخاطر والفلوس اللي استمرت سنين.
أما محمود…
ففضل واقف جنب أمه.
ولأول مرة من سنين، خرج من الفيلا بإرادته.
كان الصبح بدأ ينور القاهرة.
آسر وقف عند باب الفيلا.
مريم كانت جنبه.
بص لها.
مريم.
نعم؟
فاكرة أول مرة طلبت منك تحضنيني؟
ضحكت.
فاكرة.
وقتها كنت فاكر إن حضن واحد ممكن ينقذني.
ودلوقتي؟
بص لها.
دلوقتي عرفت إن الإنسان ساعات مش محتاج معجزة.
أمال محتاج إيه؟
حد يصدقه.
مريم ابتسامت.
وأنا صدقتك.
آسر مد إيده.
ممكن المرة دي أنا أطلب منك حاجة من غير ما أخاف من إجابتك؟
مريم ضحكت.
قول.
تفضلي معايا.
بصت له طويلًا.
دي مش حاجة أقدر أجاوب عليها بسرعة.
آسر ابتسم.
خدي وقتك.
مريم قربت منه.
وحطت إيدها في إيده.
بس أقدر أبدأ من هنا.
آسر بص لإيدها.
وبعدين بص لها.
ولأول مرة من شهور…
ابتسامته كانت حقيقية.
بعد أسابيع، الفيلا اتفتحت من جديد.
محمود بدأ حياة جديدة.
وأم آسر رجعت تعيش مع ولادها.
أما آسر…
فنتايج التحاليل الجديدة أثبتت إن الآثار الضارة خرجت من جسمه تمامًا.
والمرض اللي كان بيهدد حياته بقى مجرد ذكرى.
وفي يوم هادي، وقف آسر في الحديقة.
مريم كانت بتسقي الورد.
نادى عليها.
مريم.
لفت له.
إيه؟
قال بابتسامة
ممكن تسمحيلي أحضنك؟
مريم ضحكت.
لسه بتستأذن؟
طبعًا.
قربت منه.
المرة دي… من غير عدد.
حضنها آسر.
والشمس كانت بتدخل بين الشجر.
وفي البيت، كانت أمه بتضحك مع محمود.
ما بقاش فيه خوف.
ولا أسرار.
ولا أبواب مقفولة.
بس كان فيه بيت…
اتولد من جديد بعد سنين من الوجع.
وأخيرًا…
آسر أخد نفس كامل.
من غير ألم.
ومن غير خوف.
ومن غير ما يبص وراه.
النهاية.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى