
وما إن غابت عن أعينهم، حتى ظهر القلق على ملامح عمار وقال: “الراجل ده جاي بإخطار رسمي من المحكمة بيقول إن فيه مستندات ببيع القصر والشركات لـ خلف الحناوي شريك بابا القديم…”
صُدم إبراهيم وهتف: “إنت بتقول إيه؟! بابا يبيع كل ده ويخلينا في الشارع؟!”
أخذ الورق من يد عمار وقلب الصفحات بعدم تصدق: “أكيد فيه حاجة غلط! مستحيل بابا يعمل كده… البيت ده بيتنا!”
رد الموظف بهدوء: “أنا بنفذ إجراءات رسمية يا بيه معروضة عليا، ومعايا مستند، وأمامكم مهلة قانونية لمراجعة الأمر وتدبير أوضاعكم.”
صرخ إبراهيم بانفعال: “يومين؟! يومين إيه يا جدع أنت؟! تخرجونا من بيتنا وإحنا لسه دافنين أبويا إمبارح?!”
جذبه عمار من ذراعه وقال بحزم: “إهدا يا إبراهيم بقولك! إهدا، الكلام ده مش وقته، إحنا لازم نتصرف بسرعة وبطريقة قانونية!”
صاح إبراهيم: “إهدا إزاي؟! إحنا كده بنبقى في الشارع! إزاي يبقى مش وقته?!”
لكن عمار سحبه بعيداً عن الموظف بصعوبة وهو يقول بوجه محتقن: “أنا مش مصدق اللي في الورق ده، مستحيل أبويا يعمل كده! مستحيل!”
أغلق الموظف حقيبته ببرود وانسحب دون كلمة، تاركاً خلفه ذهولاً شديداً زحف في صدر كل منهما.
ظل إبراهيم يلهث ويده ترتعش وهي تمسك بالأوراق، بينما انكمش عمار قُبالته يحاول استيعاب ما يحدث.
أخرج هاتفه من جيبه وفتحه بسرعة، طلب رقماً مألوفاً وانتظر… لكن جاءه الرد الآلي: “الهاتف الذي طلبته غير متاح حالياً”.
تجمد عمار للحظة، ثم أنزل الهاتف ببطء وعيناه تنطفئان تدريجياً. وضع الهاتف في جيبه وظل يحدق في أرضية القصر بذهول وسكوت تام.
………………………………
في حارة الصاغة:
خرجت تقى من بيتها تسرع الخطى نحو محل والدها، وفي يدها زجاجة دواء لتذكره بجرعته.
على ناصية المقهى، جلس راجح متكئاً على الكرسي يتأمل شاشة هاتفه، ورفع عينيه حين رآها تقترب.
نهض بخطى سريعة ووقف أمامها في الشارع الجانبي، وقال بنبرة هادئة: “صباح الخير يا غزال الصاغة…”
سحبت تقى ذراعها بحدة وتمتمت: “أوعى يا جدع! أنت مش هتبطل تصرفاتك دي؟ هتفضل تضايقني في الروحة والجيّة كده يا راجح?!”
هز رأسه وقال بثقة: “أعملك إيه؟ أنا شاريكِ وطلبني ليكِ رسمي معروف، تحبي أعمل إيه عشان تصدقي يا تقى?!”
ربعت ذراعيها ونظرت له بغيظ وهي تهمس: “يا سيدي حل عني بقى! أنا مش عايزة منك حاجة يا راجح!”
قال راجح بنبرة جادة: “حل عن مين يا بنت عم خليفة؟ بلاش تعامليني بالطريقة دي وتصعبي الأمور بيننا…”
هتفت بسخرية: “أنت طريقك صعب من الأول يا راجح!”
استدارت بخفة وغادرت المكان بخطى سريعة، بينما ظل هو واقفاً يراقبها وهي تبتعد ويبتسم بقلة حيلة.
………………………….
في قصر البدري:
غلب الصمت على أركان القصر.
في الطابق الثاني، خلف باب غرفته، كان علي البدري جالساً على طرف الفراش، ملامحه فقدت صلابتها المعتادة بعد رحيل والده.
طرق عمار الباب بهدوء ثم فتحه وخطا إلى الداخل وبيده ملف أوراق.
غمغم عمار بصوت أجش: “قوم يا علي، شوف الأوراق دي… الورق ده ممكن يخرجنا من القصر ومن كل أملاكنا!”
رفع علي عينيه وأخذ الملف وتصفحه بعناية، ثم تجمدت ملامحه وقال بصدمة: “دي… دي عقود بيع؟ وبابا اللي ماضي?!”
هز عمار رأسه وغمغم: “آه، باسمه وبختم المحكمة كمان… كل حاجة باسم خلف الحناوي شريك بابا القديم.”
قلب علي الصفحة الثانية وتأمل الختم، ثم تمتم بصوت متحشرج: “الختم رسمي والتوقيع موجود… لا حول ولا قوة إلا بالله. ده كده إخلاء رسمي… كل حاجة راحت?!”
قال عمار بمرارة: “القصر، الأرض، والمصانع… أنا عقلي هيقف!”
نهض علي وقال بنبرة جادة: “تعالى ننزل تحت المكتب، مش عايز ضي تصحى وتتفزع لحد ما نشوف حل قانوني.”
هبط الأخوان إلى الطابق السفلي حيث المكتب، ولحق بهما إبراهيم.
دلف إبراهيم وهتف بقلق: “ها، هنعمل إيه في المصيبة دي?!”
غمغم عمار: “أبوك بايع كل حاجة ورسمياً الورق مختوم!”
صاح إبراهيم بعصبية: “مستحيل بابا يعمل كده! ده مش بيع طبيعي!”
هتف علي بتعقل: “أنا وأنت متأكدين إن فيه حاجة غلط، بس القانون بيمشي بالأوراق اللي قدامه.”
هتف عمار: “ممكن يكون اتعرض لضغط أو فيه حيلة اتلعبت من ورانا!”
قال علي بهدوء: “يبقى لازم نشوف المحامي ونفهم أصل الشراكة القديمة دي إيه.”
…………………
في اليوم التالي:
مع حلول المساء، انشق الهدوء أمام القصر بصوت محركات سيارات دفع رباعي دخلت الفناء.
انتفض عمار وركض إبراهيم وعلي إلى النافذة تساءلون: “مين اللي دخل من البوابة?!”
ترجل من السيارة الأولى خلف الحناوي برفقته عدد من رجاله، وتقدم بخطوات واثقة.
خرج عمار وخلفه إبراهيم وعلي. صرخ عمار بحدة: “أنت إزاي تدخل هنا كده يا خلف?! الأرض دي ملك عثمان البدري!”
رد خلف ببرود: “أنا داخل ملكي ومعايا أوراق رسمية تثبت ده… القصر ده بقى ملكي.”
كانت ضي تقف أعلى الدرج الرخامي مرتجفة لا تفهم شيئاً.
نظر خلف نحو الأعلى، ثم قال بنبرة خبيثة: “بس إحنا ممكن نتفاهم ونوصل لحل وسط…”
لاحظ عمار نظرات خلف، وانفجر الغضب بداخلة فصرخ بحدة: “خلي عينك في أوراقك يا خلف بدل ما تخسر كل حاجة!”
رد خلف: “طالما رفضتم التفاهم، يبقى القانون هو اللي يتكلم. تسلموا المكان وتتفضلوا.”
تحرك رجال خلف، لكن إبراهيم اعترضهم بغضب، وحاول علي التهدئة.
أخرج عمار هاتفه وضغط زر الاتصال، وغمغم: “الحقني فوراً… الوضع هنا بيشتعل!”
جاءه الرد عبر الهاتف: “أنا جاي حالاً!”
وقبل أن يتحدث خلف مجدداً، اقتحمت سيارة سوداء البوابة بقوة، وترجل منها سلطان الهواري بمهابة وثبات.
خطا سلطان خطوات واثقة نحوهم، ولما حاول أحد رجال خلف التحرك بعنف، أخرج سلطان حزام حراسته ووقف حائلاً بثبات، قاطقاً الطريق عليهم.
صرخ خلف: “إيه يا أصحاب المكان؟ جايبين حد يقف ضد إجراءات المحكمة?!”
قال سلطان بنبرة هادئة ورخيمة: “أنا جيت أقف جنب أصحابي بالحق، والأوراق دي فيها كلام ولازم يراجع في النيابة والمحكمة.”
قال خلف: “المحكمة قالت كلمتها!”
اقترب سلطان خطوة وقال بثبات: “الحق مابيروحش بالسهولة دي، وأي استقواء مش هيعدي هنا.”
أخذ سلطان الملف من عمار، ونظر فيه للحظات، ثم مده إلى خلف وقال: “خد ورقك، القانون هو اللي هيفصل، وبلاش أسلوب الفرض ده.”
هدر عمار: “أنا مش هسيب حق أبويا!”
أومأ سلطان وسحب عمار جانباً وقال: “تعالى معايا يا صاحبي على الحارة… الموضوع محتاج مراجعة مع المحامين وأخواتك يبقوا في أمان، ووعد مني الحق هيرجع بالقانون والأصول.”
وافق عمار على مضض من أجل سلامة إخوته وأخته ضي.
…………………
في الحارة:
وصلت السيارة إلى حي الصاغة، وترجل سلطان مع عمار وإخوته.
فتح سلطان باب شقة فخمة خاصة به وقال بهدوء: “اتفضلوا… الشقة دي بتاعتكم لحد ما أموركم تتظبط.”
دلف الأخوة ووقف عمار على الباب وقال بامتنان: “تسلم يا سلطان، مش هنسى وقفتك دي.”
في تلك اللحظة، جاء راجح مسرعاً وهتف: “سلطان! انزل عايزك!”
استأذن سلطان ونزل مسرعاً، ليخبره راجح بوجود مشاجرة واضطرابات في الحارة بسبب بعض الغرباء.
في الشقة بالأعلى:
نظرت ضي من الشرفة فرأت صخباً واشتباكاً في الشارع الأسفل، فصرخت بخوف: “عمار! فيه خناقة كبيرة تحت!”
ركض عمار وإبراهيم إلى الأسفل للمساعدة في فض المشاجرة وحماية المنطقة، بينما طلب علي الشرطة فوراً من الهاتف.
في الأسفل:
اشتبك أهالي المنطقة مع المعتدين لردعهم، حتى وصلت سيارات الشرطة وأوقفت الشجار تماماً.
ترجل الضابط واقتاد المشاركين في المشاجرة للتحقيق لمعرفة أسباب التعدي، وكان من بينهم عمار وإبراهيم بحكم وجودهما في موقع الحدث.
حاول سلطان التوضيح للضابط أن الشباب كانوا يدافعون عن أنفسهم وعن المنطقة، فأومأ الضابط ووعد بفحص الأمر في المأمورية.
في الأعلى:
رأت ضي إخوتها يركبون سيارة الشرطة للتحقيق، فنزل علي فوراً ليلحق بهم إلى المركز.
أما ضي، فلم تتمالك أعصابها، وخرجت مسرعة إلى الشارع تبحث عن سلطان، واندفعت نحوه بغضب وقالت: “أنت! إخواتي راحت للتحقيق بسبب الشجار ده وأنت واقف هنا!”
التفت سلطان إليها ببطء وذهول من اندفاعها، ووقف ينظر إليها بجدية…
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




