منوعات

عذراء الرعد

الصبح

كانت زينب بتفطر أم رعد وعينيها باينه إنها معيطيه.

أم رعد بطيبه: مالك يا بنتي؟ انتي معيطه؟

زينب: لاا، أبدًا.

أم رعد: عينيكي حمرا كده ليه؟

زينب بتوتر: أصل يمكن، آه، هو دخلت حاجه فيها، مش عارفه.

أم رعد بصت ليها بشك وكملت اكلها من سكات.

زينب بعد ما اكلت مامت رعد وادتها دواها، خدت الاكل ونزلته تحت. كل ده ورعد عنيه عليها بقلق.

استئذن من والدته ونزل وراها، كانت خارجه من المطبخ، مر من جنبها وقال بجدية: حصليني على المكتب.

هزت رأسها ومشيت وراه.

زينب نزلت دموعها بحرقه، بعد عنها بقلق.

ورفع كفه ومسح دموعها وهمس لها: استحملي كمان شويه علشاني.

زينب ببكاء: مش قادره، أنا عاوزه أمشي من هنا، أرجوك مشيني من هنا، مش هعرف أتحمل.

اتخض لما شاف دموعها، حاوط وشها وهمس: معلش، اتحملي شويه كمان، وأنا أوعدك إني هخدلك شقه قريب جدًا والله.

رفعت وشها عايزه تحكيله كل حاجه واللي بيحصل معاها في البيت ده وكل حكايتها مع أسر، لكنه قالها: انتي وحشتيني اوووي، وأنا عارف إني مقصر.

رعد: هشششش.

ولسه مكمل باللي بيعمله، اتنفضوا لما سمعوا صوت زعيق نهى وهي بتصوت باسم زينب بزعيق وبتشتمها.

رعد فتح الباب بسرعه وخرج وهي عدلت طرحتها ورتبت نفسها بسرعه وقلبها بيدق جامد بخوف وخرجت وراه.

رعد بانزعاج: في إيه يا نهى؟ مالك عالصبح كده؟

نهى بغضب: مالي؟ مالي إيه؟ انت مش عارفه البنت اللي جايبهالنا معرفش من أنهي داهيه عملت إيه؟

رعد بص على زينب اللي واضح عليها جدًا إنها مش فاهمه حاجه.

رعد: عملت إيه زينب؟ اهدى واتكلمي، ومن غير صويت.

نهى بانفعال: انت جايبلي حراميه ببيتي يا رعد؟

نهى…

بزعيق: بقى أنا كدابه؟ يا حراميه يا…

مستحملش زينب اللي بتسمعه وضربتها بالقلم.

ودموعها ماليه وشها.

رعد بغضب: زينب!

وسألت: انت مصدقها؟

رعد…

زينب بزعيق: بسألك انت مصدقها يا رعد؟ مصدق إني ممكن أسرق؟ متتكلم، متقول حاجه.

نهى بغيظ: رعد، انتي نسيتي نفسك والا إيه؟ ده رعد بيه، وانتي حتت شغاله.

زينب بتجاهل لكلام نهى وهي باصه بعنين رعد: رد عليا، انت مصدقها؟

رعد حس بالضياع وبص لنهى: انتي ازاي متأكده إن هي اللي سرقت حاجتك؟

نهى: انت بتدافع عنها؟ طيب يا رعد، ماشي، بتكدبني عشان حتت شغاله؟ ماشي. وكملت بزعيق: يا زفتي انتي يا أم سعد.

جريت الشغاله أم سعد عليهم بخوف: اومريني يا هانم.

نهى: مش انتي شفتي البتاعه دي دخلت اوضتي وسرقت حاجتي؟

ام سعد: أيوه، أنا شفتها بعنيا دول.

زينب بدموع وقهر: كدب والله كدب، والله أنا معملتش حاجه والله رعد.

رعد بجمود وجديه: خرجي الحاجه يا زينب.

زينب بصدمه: انت مصدق كلامهم؟

رعد بجديه: خرجي الحاجه يا زينب، وبلاش تطولي الحكايه.

نزلت دموعها بحسره. ليه؟ ليه محدش بيدافع عنها؟ ليه؟ ليه هي لوحدها بالدنيا دي؟ حتى الإنسان الوحيد اللي وثقت بيه شك بيها. ليه كده الدنيا دايما جايه عليها؟ عيطت جامد وبقهر.

نهى: بلاش شغل الصعبانيات دي وامشي خرجيلي حاجتي.

زينب بتعيط بس ومش عارفه تقول إيه.

نهى: ماشي، أنا هخرجها. وراحت اوضت زينب وزينب ورعد اللي بيبصلها بضيق مشوي وراها.

بالوقت ده خرج أسر بنوم: في إيه عالصبح؟ إيه الزعيق ده؟

نهى: الشغاله الجديده سرقت طقم الالماس بتاعي.

أسر وسعت عينيه بصدمه وهو بيبص لزينب وقال: مستحيل.

بص ليه رعد وسأله: انت قلت إيه؟

7 من 7التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى