منوعات

مراتي وفقت

وليه عايزني أكره سارة؟
وليه سارة نفسها سكتت كل السنين دي؟
وصلت لمركز التحاليل، ونزلت بسرعة.
أول ما دخلت، طلبت أقابل مدير المركز.
الموظفة بصت في الكمبيوتر، وبعد ثواني قالت
الملف قديم جدًا… بس موجود.
قلت
مين كان مسؤول عن الملف وقتها؟
وشها اتغير.
قالت
الدكتور المسؤول وقتها توفى من سنتين.
اتنهدت.
طيب مين استلم أرشيفه؟
سكتت شوية، وبعدين قالت
أستاذ سامح.
اسم سامح وقع عليا كأنه صدمة.
سامح كان…
أخو نهى.
رجعت خطوة لورا.
افتكرت كلام سارة
الشخص ده لسه موجود في حياتك.
بس ليه أخو نهى؟
طلعت

الموظفة الملف.
فتحته قدامي.
كانت فيه تحاليل سارة القديمة.
تحاليل سليمة.
تحاليل مش بتقول إن فرصتها في الحمل ضعيفة بالشكل اللي اتقال لنا.
قلبت الصفحات بسرعة.
وفجأة لقيت ورقة مكتوب عليها
نتيجة تحليل الزوج غير مكتملة.
قلت
إيه ده؟
الموظفة قالت
دي مش النتيجة النهائية.
فين النتيجة النهائية؟
سكتت.
وبعدين قالت
اتسحبت من النظام.
حسيت بقلبي وقع.
مين سحبها؟
ردت
كان فيه طلب رسمي.
من مين؟
قالت
من سامح.
خرجت من المركز وأنا مش شايف قدامي.
ركبت العربية واتصلت بنهى.
ردت بسرعة.
قلت
سامح أخوكي كان له علاقة بالتحاليل؟
سكتت.
نهى!
قالت بصوت مكسور
أيوه.
ليه؟
لأنه كان بيحاول يساعدني.
يساعدك في إيه؟
ما ردتش.
صړخت
نهى، أنا عايز الحقيقة!
قالت
كنت عايزة أتجوزك.
اتجمدت.
قالت بسرعة
بس مش بالطريقة اللي إنت فاهمها.
أمال إزاي؟
سامح كان شايف إنك متعلق بسارة جدًا… وكان خاېف إني أتجوزك وأعيش طول عمري حاسة إني رقم اتنين.
سكتت لحظة.
ثم قالت
فبدأ يقنعني إن سارة هي السبب في كل حاجة.
يعني إيه؟
قال لي إن تحاليلها بتثبت إنها مش هتخلف.
غمضت عيني.
وإنت صدقتيه؟
قالت
في الأول آه.
ثم بكت.
لكن بعدين اكتشفت إنه كان بيخبي عني حاجات.
إيه الحاجات؟
قالت
إن التحليل اللي اتعمل باسمك ما كانش هو التحليل الحقيقي.
مين عمله؟
قالت
مش سامح.
اټصدمت.
أمال مين؟
سكتت طويلًا.
ثم قالت
أنا معرفش.
نهى!
والله ما أعرف… بس فيه شخص تاني كان بيدخل المركز وقتها.
مين؟
قالت
شخص إنت تعرفه كويس.
قبل ما أسألها مين، سمعت صوت باب بيتفتح عندها.
وبعدين سمعتها بتقول
إنت؟!
وفجأة الخط اتقطع.
اتصلت تاني.
مفيش رد.
اتصلت بالدكتور.
رد فورًا.
قلت
نهى اختفت من المكالمة فجأة.
قال
أحمد، ما تروحش بيتها.
ليه؟
قال
لأننا اكتشفنا حاجة أخطر.
إيه؟
صوته كان متوتر
الملف اللي إنت شوفته في المركز…
سكت.
أيوه؟
قال
الصفحة اللي عليها اسم سامح…
مالها؟
قال
مش توقيعه.
إيه؟
التوقيع مزور.
سكتُّ.
ثم قال الدكتور
وفيه نسخة أصلية من الورقة.
قلت
فين؟
رد
مع سارة.
قفلت المكالمة.
وفي نفس اللحظة، وصلني إشعار على موبايلي.
رسالة من رقم مجهول.
فتحتها.
كانت صورة لسارة وهي واقفة قدام بيت قديم.
وتحت الصورة رسالة واحدة
لو عايز تعرف مين لعب في حياتك وحياة سارة… تعالى لوحدك.
وتحتها العنوان.
كان نفس عنوان البيت اللي عاشت فيه سارة مع جدتها زمان.
بصيت للساعة.
وبدون ما أفكر، شغلت العربية واتجهت هناك.
لكن وأنا في الطريق، جالي اتصال من رقم سارة.
رديت.
الصوت اللي سمعته ما كانش صوت سارة.
كان صوت رجل.
وقال بهدوء
أحمد… إنت قربت جدًا من الحقيقة.
سألته
إنت مين؟
ضحك ضحكة قصيرة.
وقال
أنا الشخص الوحيد اللي يعرف ليه سارة وافقت تخرج من بيتك من غير ما تحارب عشان تفضل فيه.
ثم أضاف
ولو دخلت البيت ده الليلة… هتعرف إن موضوع الحمل كان أصغر سر في الحكاية.
وانقطع الخط.
ولأول مرة، بدأت أشك إن سارة ما كانتش بتحاول تخبي الحقيقة عني…
يمكن كانت بتحاول تحميني منها وصلت للعنوان وأنا مش قادر أتنفس من شدة التوتر.
البيت كان قديم، مقفول من سنين، وشكله من بره ما يديش أي إحساس إن جواه ممكن تكون إجابة على كل الأسئلة اللي قلبت حياتي.
نزلت من العربية.
فضلت واقف قدام الباب ثواني.
وبعدين افتكرت كلام الرجل
لو دخلت البيت ده الليلة، هتعرف إن موضوع الحمل كان أصغر سر في الحكاية.
دخلت.
البيت كان مليان تراب وريحة خشب قديم.
مشيت لحد أوضة جدّة سارة.
كنت عارفها من زمان.
فتحت الدولاب القديم.
مفيش حاجة.
فتشت الأدراج واحد ورا التاني.
ولا حاجة.
لحد ما
لقيت درج صغير مستخبي تحت قاع الدولاب.
فتحته.
كان جواه جواب قديم.
على الظرف مكتوب
إلى أحمد… لو سارة ما قدرتش تقوله.
إيدي بدأت ترتعش.
فتحت الجواب.
كان خط سارة.
أحمد، لو إنت بتقرأ الكلام ده، يبقى أنا اضطررت أخبي عنك حاجة كنت أتمنى عمري ما أخبيها.
يوم ما خرجت من بيتك، أنا ما كنتش بس حامل.
أنا كنت عارفة إن فيه حد لعب في التحاليل من سنين.
لكن اللي اكتشفته بعدها كان أخطر.
الشخص ده ما كانش عايز يمنعني من الحمل.
كان عايز يمنعك إنت من معرفة الحقيقة.
وقفت عن القراءة.
حسيت إن قلبي هيخرج من مكانه.
كملت
اسأل نفسك سؤال واحد
مين كان أول شخص عرف بنتيجة تحاليلك؟
ومين كان دايمًا بيحاول يقنعك إن المشكلة مني أنا؟
فجأة افتكرت.
سامح.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى