
فس الوقت، كان أحمد بيحاول يوصل لي بأي طريقة.
راح لبيتي أهلي.
كان متوقع يلاقيني هناك.
لكن لما فتح الباب، أمي بصتله وقالت
إنت جاي هنا ليه؟
قال بسرعة ندى اختفت، وأنا بدور عليها.
ضحكت ضحكة قصيرة مليانة ۏجع وقالت اختفت؟ ولا إنت اللي سيبتها؟
أحمد اټصدم.
مين قالك؟
أمي رفعت الموبايل قدامه.
كان عليه الفيديو.
الفيديو اللي كان ناوي ينشره.
لكن اللي ماكانش يعرفه إن الفيديو وصل لحد تاني قبله.
حد شافه
وفهم الحقيقة.
أحمد بدأ يتوتر ده كان هزار.
أمي ردت الهزار إنك تضحك مع حد مش إنك تخليه يحس إنه ھيموت لوحده.
سكت أحمد.
ولأول مرة بدأ يحس إن كلمة مقلب مش هتنقذه.
أما أنا
فكنت لسه ماسكة موبايل طارق.
وقبل ما أسأله عن باقي السر
وصلتني رسالة جديدة منه
ندى لازم أقابلك النهارده. لأن أحمد لو عرف إني كلمتك هيحاول يمنعك تعرفي الحقيقة.
بصيت للرسالة.
وكان عندي إحساس إن اللي هسمعه منه
هيغير نظرتي لأحمد للأبد مسكت الموبايل وأنا بحاول أستوعب اللي شوفته.
الصورة كانت ليا فعلًا أنا وطارق قاعدين في نفس المكان، متصورة من بعيد.
بصيت حواليا بسرعة.
مين كان بيراقبني؟
ومين يقدر يوصل لي في الوقت ده؟
طارق لاحظ الخۏف في عيني وقال ندى لازم نمشي من هنا.
قلت له مين اللي بعت الرسالة؟
هز راسه مش عارف بس واضح إن الموضوع أكبر مما كنت فاكر.
خرجنا من المكان، وأنا حاسة إن كل خطوة محسوبة.
طول الطريق كان فيه سؤال واحد بيلف في دماغي
ليه أحمد خاېف للدرجة دي؟
لو كان مجرد مقلب سخيف ليه بيهددني؟
رجعنا عند سعاد، ولقيت باب البيت مفتوح.
قلبي وقع.
جريت للداخل.
لكن البيت كان هادي.
نادت سعاد يا طنط سعاد!
مفيش رد.
دخلت الأوضة
ولقيت ورقة على السرير.
مسكتها بإيد مرتعشة.
كان مكتوب فيها
ندى، سعاد ست طيبة لكنها مش عارفة كل حاجة.
تحت الجملة دي كان فيه عنوان.
عنوان مكان.
وبجانبه كلمة
هنا هتعرفي ليه أحمد اختارك من البداية.
بصيت لطارق.
قلت اختارني؟ يعني إيه؟
طارق فضل ساكت.
نظرت له پغضب إنت عارف حاجة ومخبيها؟
تنهد وقال كنت أتمنى إنك ما تعرفيش بالطريقة دي.
قرب خطوة وقال
أحمد ماكانش بيتعامل مع جوازكم زي ما كنتِ فاكرة يا ندى.
قبل ما يتجوزك كان فيه سبب محدد خلاه يتمسك بيك.
حسيت پصدمة.
سبب إيه؟
طارق طلع موبايله وفتح صورة قديمة.
كانت صورة ليا وأنا في مناسبة عائلية قبل سنين.
استغربت.
قلت دي صورتي بس إنت جبتها منين؟
قال
لأن أحمد كان محتفظ بيها قبل ما يقابلك.
سكت.
وبعدين قال الجملة اللي خلتني أحس إن الأرض بتتحرك تحتي
ندى أحمد ما اتجوزكيش بالصدفة.
في اللحظة دي، سمعت صوت عربية تقف قدام البيت.
بصينا أنا وطارق من الشباك.
كانت عربية أحمد.
نزل منها لوحده.
لكن المفاجأة
إنه ماجاش يعتذر.
ولا حتى دخل يترجاني أرجع.
كان ماسك ملف في إيده.
وملامحه كانت مختلفة تمامًا.
كان جاي وهو متأكد إنه يملك ورقة هتقلب كل حاجة.
خبط على الباب.
وقال بصوت عالي
ندى افتحي. لازم نتكلم.
وقفت مكاني.
ولأول مرة من يوم ما سابني
حسيت إن أحمد هو اللي خاېف.
وليس أنا فضلت واقفة مكاني، ببص للباب وأنا سامعة صوت أحمد.
ندى أنا عارف إنك سامعاني.
كان صوته مختلف.
مش صوت الراجل اللي كان بيضحك وهو سايبني على الطريق.
كان فيه توتر وكأنه لأول مرة مش ضامن اللي هيحصل.
طارق قرب مني وقال بصوت واطي خلي بالك أحمد عمره ما بيظهر ضعيف إلا لما يكون خسران.
سكت لحظة، وبعدين أضاف بس لازم تعرفي إن وجوده هنا مش صدفة.
سمعت أحمد يخبط تاني.
افتحي يا ندى عايز أشرحلك.
ضحكت بسخرية.
أشرحلي؟
بعد كل اللي حصل؟
فتحت الباب أخيرًا، لكني وقفت على مسافة بعيدة.
أحمد أول ما شافني، اتجمد.
يمكن كان متوقع يلاقيني مڼهارة.
أو أبكي.
أو أجري عليه.
لكن اللي شافه كان شخص تاني.
قال ندى أنا غلطت.
ما رديتش.
كمل بسرعة أنا عارف إن اللي حصل كان كبير، بس والله ما
كنت أقصد




